有無人發覺每個地方, 都有d老屎忽係度阻住曬

:0:0

每個地方,都有d老屎忽係度阻住曬sponsored 我一直認為要做一個好既上司，或者係唔俾人講是非既上司其實好難。基本上每下一個決策，都總有人支持或者反對。一個屋苑清潔、保安、會所同工程部閒閒地有五十人，亦即係話每個決定都有五十個聲音。有時候作為一個經理，要討好曬全部既人根本就沒可能，可以做既就只有多啲同同事解釋每一個決策背後既意義，希望獲得佢地支持。一間公司，一個屋苑，基本上每個月都會有同事入職同離職。做物業管理面對最多既係保安員人手不足問題，要請人基本上係非常困難，有時候唔好話FULL TEAM，剩係夠人返工已經偷笑，所以有時候為左留人，會響年中時間幫同事搞升職，希望可以將有質素既同事留低。偏偏呢啲時候，就最多人會用辭職黎威脅升職加薪。同事老何有一日入辦公室搵我話有野想同我傾，基本上我已經知道咩事。sponsored

老何係一名保安員，佢同我講口話佢響屋苑做左八年，問今年有冇機會升職。我斬釘截鐵咁答佢冇，可能有人話我講得太直，不過呢個時候我會覺得講出事實反而係一種尊重。老何唔服續講話其他遲入黎既人都升曬職，反而佢做左咁耐，仲耐過我響屋苑既人都冇得升職，佢想知我升人既準則究竟係點，話我針對佢偏幫其他同事，而其他同事都替佢不值。其實所有人都知道老何做事成日揸流灘，不負責任不在話下，更討厭既係鍾意推卸責任，為人冇擔帶，其他同事已經對佢有微言。我同佢講：「做得耐唔代表有得升，做得遲又唔代表冇能力升。」sponsored 老何回我：「我呢度做咁耐冇功都有勞，講年資講經驗我點會輸俾其他人？」講左好耐，佢都係聽唔明我講咩，只著眼響「年資」呢兩個字，而最後我亦都冇向佢作出任何承諾，只係叫佢爭取。打工仔唔明點解有時候老闆會出面請人都唔升自己，又或者係點解升其他遲入職既人都唔升自己。好多人以為自己跟進曬上司指派既工作就係好同事，而忘記左咩叫做「爭取」。職場上所謂既起跑線唔係年資，而係講點樣響相同既時間裡面，我地比其他同事學得更快，承擔更多責任。學無前後，達者為先，偏偏老屎忽最鍾意同你講論資排輩。最後一句我屌你老母老屎忽