琴晚凌晨兩點幾收工，我遇到個好霸氣既的士司機，佢係度屌人地老母

:0:0

琴晚凌晨兩點幾收工，我遇到個好霸氣既的士司機，佢屌人地老母.....

sponsored 琴晚凌晨兩點幾收工，由於我返工地點離我屋企比較偏遠，通常我都會Call 85折的士返屋企。雖然我係過海，但以往都會好順利咁有的士接我呢一程。但琴晚唔知咩事，好多都唔接我呢一程，上哂Google搵哂所有85折的士都唔肯接我......唔講以為我自己入咗結界無人接我見打電話Call的士都哂咗我唔少時間，所以死死氣咁落街周圍截的士。點知一架接一架嘅的士一聽到我「過海」，就搬咗好多理由出嚟，例如「趕住收工」、「食飯」、「有Order接」。通常我見到咁，我都無謂同佢地嘈，我都禮貌地話唔該就算。我再行前見到有個的士站，排咗好多架的士。我走到最前問個司機:「我過海架，你O唔OK?」個司機當然黑臉又話咩無人會接過海等等，我就即刻關門。我再行去排第二架嘅的士，諗住問多架唔得就搭返小巴算。sponsored 「司機，我去......」我話都未講完。個司機大佬即刻勁大聲話:「得！無論你去邊都好！我都會車你去！」我有點受寵若驚，都講埋落去：「我過海喎！」司機大佬拍哂心口話：「無問題！上車！」於是我就上車。

但問題就嚟，由於係的士站關係，通常要走一定要順序咁駛走，但我地排第二，姐係話要等排第一嘅的士走我地先走到。於是個司機就叫前面架的士駛開少少比我地走。sponsored 咁前面個司機當然唔順超喇，死都唔肯駛走，仲夠膽死話：「我有客上車我咪走囉！」車我嘅司機即刻同佢開火：「咁你又唔車呢位哥仔！屌你老母揀客呀！？」我坐喺架的士入面有點呆，因為都無諗過會發展到呢個局面。最後佢地嘈咗一陣，前面架的士都駛前啲比我地走。本來以為完喇，最好笑係當我地一駛走時侯，第三架嘅的士即刻塞到上第一個位置，唔比架的士駛返入嚟，個司機仲好霸氣咁講:「屌你老母揀客！走喇你！」之後成段車程，我都同個好人司機傾計，佢好似好開心好滿足，話教訓咗個衰人個心好涼。我擔心咁問：「你怕唔怕得罪「行家」呀？」好人司機：「我地呢度無「行家」架！得「仇家」姐！我最憎人揀客，我放假有時都同班仔女出去諗住搭的士，屌你！呢個又唔車、嗰個又唔車，我都唔敢講自己渣的士，抵我地成日比人罵又話態度差！喂！就算你唔想接，你都可以好聲好氣同個客人解釋喇！呢家好似個客殺你全家阻你搵食咁！為咩姐！」sponsored 一路傾我一路都好欣賞呢位的士司機，佢仲講咗好多渣的士嘅事，令我大開眼界。有陣時我Call的都係唔想受的士氣，因為通常個路程佢岩佢就接，佢接就唔會黑口黑面。所以我都問一問呢位司機電話，諗住日後有咩就Call佢。

但佢拒絕，佢話：「我就好隨緣，接到咩客就做咩客，所以你想搵我車，就隨緣睇下將來有冇機會車你喇！」sponsored 隨緣。或許真係個人會開心得多。每個行業都總有害群之馬，但都有一班盡忠職守，做好自己本份嘅人。本身想影相話放上網表揚下佢，佢就話:「我都唔上網嘅～你打咗我都睇唔到！不過你幫我宣揚下都唔錯！哈哈！」司機，我幫你宣揚了。希望有緣再做到你乘客。P.S 其實我想睇返的士站班的士佬點樣互屌同埋平時8唔85折對我無咩所謂，我純用佢Call的功能因為都係想快D返屋企...