屯門燒烤場 $80 任燒任食 真係咁抵？原來毒 L 最貴

屯門燒烤場 $80 任燒任食真係咁抵？原來毒 L 最貴Siu Yeung 五月 10, 2016 14:51 除咗打邊爐，香港人都幾鍾意燒野食。不過未必人人有閒心去郊野公園，簡便嘅方法，通常都係去燒烤場，不過價錢一般都唔算好平，加加埋埋一般都要百幾二百蚊。最近小欖燒烤樂園就推出暑期優惠，由即日起至 8 月 31 日，最低 $80 就可以不限時任燒任食。sponsored 真係咁抵？當然要睇清楚細節啦！其實 $80 只限星期一至五，六、日就貴多 $20，即係 $100。另外除非夠 200人，唔係一至五就要收多 $30 開爐費，六、日就收 $40，連兩包炭，之後每加一包就 $16，即係多幾個朋友去，除返開會抵啲。相反，諗住毒 L 一個最開心，呢 $30 或 $40 開爐費就要自己畀曬啦。最後，入場費只包蒸餾水 1 支，同 1 罐罐裝飲品。簡單啲講，除非你喺一至五，搵到 199 個朋友陪你去，你又唔加炭、唔加嘢飲、唔叫特別食物，理論上係可以 $80 任燒任食。如果你正常啲，大概 $100 多啲啦，都算平嘅。sponsored 至於食物方面，任食嘅都係啲大路嘢，即係雞翼、芝士腸、多春魚、豬扒、牛扒、丸類咁。睇返 facebook 網民嘅評價，食物質素都唔差，唔怕熱嘅，可以諗下！sponsored 小欖燒烤樂園地址：屯門青山公路小欖段 DD384,LOT253電話：2459 9928


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁