香港長髮男星檢閱　達太祖當之無愧?!?!

學星爺話齋，頭嘅野你唔係見人剪你又發姣發扽走去剪，要襯㗎！最近有網民就煩惱緊剪咩髮型好，於是喺討論區請教巴打，咩鏟青、海中地、比比鳥頭等一大堆建議都唔啱使。經過一輪討論，其中一位巴打就問點解唔試下留長頭髮呢？飄逸嘅感覺你試過未？仲揀咗幾個香港嘅長髮藝人做參考，大家又覺得型唔型呢？sponsored 1.鄭伊健 香港長髮代表一定係佢，髮型襯面型，面型襯身形，身形襯髮型，carry得啱啱好，一個字，型。楊千嬅喺電影《春嬌與志明》講過一句：「鄭伊健係全世界男人長頭髮裡面，最有型最性 感迷人嘅一個。」講出咗幾多少女嘅心聲。再加上伊健做《古惑仔》陳浩南時期，嗰種長髮不羈，幾多少男爭住要模仿佢，男女通殺。sponsored 2.蘇民峰第二個人選就係蘇民峰師父，雖然網民覺得佢個馬尾look有啲out同唔入流，不過風水呢味嘢你都咪話唔信邪，你睇蘇師父依家撈得風山水起，就知佢條馬尾唔係普通嘢。3.蔡一智聽到呢個名，就諗起草蜢嘅一起森巴舞，撥走不滿。蔡一智嘅長髮有啲唔同，唔係伊健嗰種不羈型，比較似女人好順好貼嗰種，可能鍾意玩負離子直髮都唔定。整體嚟講都唔難接受嘅。sponsored 4.林慧韡（達哥）近年冒起得最快嘅長髮男，佢攣嘅長髮感覺有少少似富二代，搭配佢好瘦好薄既身型都幾親，不過有人話達哥呢個髮型瞓醒就已經set好，天然又有型，gel都唔使呀！聽落又好似幾方便喎！sponsored 5.羅家英(法印)豈有此理！網民呢個提議又幾啱題喎！雖然現實嘅家英哥唔係長髮，不過佢喺《大內密探零零發》入面嘅法印形象太深入民心，個一頭中分長髮，真係幾吸引人笑，唔知會唔會真係有人留呢個髮型呢？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁