我好愛我女朋友, 但佢過分依賴我既行為就黎令我發癲...各位教教我點做好!!!

:0:0

我同我女友讀書時就已經一齊，到而家大家都出左黎做野幾年。sponsored 佢所有野都好依賴我，甚至已經依賴到過哂火..由於佢冇乜朋友，基本上所有時間都要我陪住..有時覺得好攰..加上以下既各點令我好卻步..1. 由於大家都住得相當近(10分鐘路程)，第一次幫佢買飯就係為左哄佢，到而家已經變左一個習慣，如果唔買比佢就發脾氣，直到而家所有佢需要既物品，佢都要我買完拎上去佢屋企，有時可能叫你買個麵包比佢食，有時可能叫你買盒咖啡比佢。----------------------------------------------------------------------------2. 因為佢既多疑及火爆既性格，任何異性(甚至同性)都不可接觸，每講一句說話都要報告。更不用說任何時下既社交平台(IG/FB/LINE/WECHAT)，全部都不能用，每次入wtsapp需要事先通知佢因咩事入，sponsored 事後仲要cap圖sd比佢睇到底sd過乜野，如果見到個上線時間唔同報到既時間唔同又會嘈，久而久之，已經唔會主動搵人傾，只有被動地回答人既wtsapp，所以到而家基本上除左工作既必需外，根本冇人會搵我，朋友就已經極為陌生，甚至完全不會聯絡。----------------------------------------------------------------------------3. 甚至需要我時刻報到，任何時間如搵我唔到就會發哂顛，打電話騷擾一切我識既人，包括公司電話、屋企人既手機(嚴重影響我工作)。----------------------------------------------------------------------------sponsored 4. 出街如果唔開心/唔順意就會係街度大大聲鬧你、甚至打你，因為佢深知呢個社會女打男好平常，男打女就會被社會所唾罵，目的係迫你乜都要就哂佢。由於大家都一齊左7年幾，最近開始佢不斷同我講關於結婚既野，我好大壓力。如果放棄會覺得可惜，如果你地問我仲愛唔愛，我會答「愛」，但係就完全接受唔到佢既性格，你要我忍受呢種性格生活往後既40,50年，我怕我會顛會跳樓。唔洗講話同佢傾下討論下，佢係一個極為自我中心既人，一講關於呢d就即刻發脾氣，大顛大叫，只會你聽佢講，冇佢聽你講。最重要一點，由於以前大家年少唔生性，以致雙方家長都嘈過架，所以我屋企因而對對方屋企極為仇視..每次夾係佢同我屋企人之間我真係好辛苦..sponsored

[圖擷取自網路，如有疑問請私訊]