【窮撚救星】激改200呎屯門大興邨9萬蚊大執公屋全白布置變高級豪宅

:0:0

Facebook專頁「公屋裝修易」上載多張屯門大興邨一單位裝修後的照片，其改頭換面的程度令網民震驚。裝修後的單位採開放式設計，傢俱以白色為主，視覺上令空間感大增，充滿現代化感覺。設計師為用盡空間，以木櫃作牆身，間隔出睡房，床下又另設木櫃，利用單位的有限面積增加收納空間。不過單位的木門仍保留房委會傳統的公屋格調木門，單位內更保留明線，令整體仍美中不足。

有媒體訪問負責為該單位裝修的繆先生，了解何以只需9萬元就可以為公屋大變身。繆先生指，該單位屬大興邨一個中層單位，面積只有200呎，屬房署新派單位之一，即俗稱的「清水房」，故裝修時毋須進行任何拆卸工序，裝修費因而大減。他續指，戶主為30歲以下的夫婦，預算有限，不打算拆廁重做，故免除拆卸步驟，令裝修費大減約10萬元；業主亦無要求為單位做「暗線」，將單位電線收在牆身內，亦不改動單位的水、電、煤氣供應，故裝修費只需9萬。繆先生又指，9萬元是全包價，除人工外，還包括全屋的組合櫃，以及單位內的無縫纖維地板。

有網民發現，單位內廚房並無改動。被問到公屋單位的改動上可有限制，繆先生表示一般都不可為其廚房作任何改動；至於廁所，則因避免出現滲水問題，一般亦不會多作改動。

網民有 sayChan May 心水清：拆要多十萬嫁

Yvonne So 感興趣：如果彩明苑公屋單位2-3人，細單位有冇做過？

Hang Cheung 愛挑剔：裝修仲行明線，整啲唔整啲！

公屋裝修易拋理據：客戶用有限預算,自然有d 做有d 無辦法做吧

KasGo Kum 變魔術：可唔可以整到兩間房出黎？

陳積奇愛廁所：厠所點樣架

公屋裝修易狠坦白：廁所冇點整,所以冇影

公屋裝修易再自爆：吾改水電,吾做廁所,價錢平好多,請見諒這是以9萬預算做。全爆當然得,未計傢俬都近20萬了

黃謙愛冷凍：雪櫃擺係邊

Ricky Liu 夠風趣：廁所用玻璃間？

公屋裝修易開估了：鋁巴士門

Sin Mei Yung 好真心：好靚呀！去到現場……天與地，屋內皇宮，外面

Gary Leung 過來人：自細就在大興邨長大，雖然真心覺得裝修得幾靚，不過知道大興太舊喇，上下左右再加走廊都唔係好隔音，所以幾靚都冇用=_=

Soowing Wai 狠葡萄：如果到時抽到公屋我應該60歲到，仲裝唔裝修好……而家都係睇相滿足下

Alice Lau 起尾註：新派單位做開放式廚房，屋主真係唔驚房署查?