睇到老公同第二個屌左

:0:0

sponsored 我哋一齊都十幾廿年，有個小朋友，我老公唔煙唔酒信佛食齋，就係咁樣一個睇落好好男人嘅人竟然。....舊年嘅某一日響街睇到我老公同個女人一齊，雖然冇親密動作，但女人直覺反應佢哋唔係普通關係，講野眼神、神情好曖昧，但唔知咩原因我冇上去叫佢，可能怕被證實後大家撕爛塊面，都有可能怕自己控制不住後發癲，始終響街上。之後嘅每一日我都趁佢訓覺或者沖涼時偷睇佢電話（咁多年我從不會做依樣野）可能我從唔check佢電話所以佢都冇防備冇delete啲對話，響佢wechat同whatsapp度睇到佢同個女人對話，原來佢哋已經一齊左幾年，最令我驚訝嘅係個女人有老公同小朋友，而且同我哋住得好近，近到好似隔離屋苑咁近，而且大家都互相知道對方家庭情況，即係我老公係第三者，個女人都係第三者，點解啲人可以咁cheap？要去搞人哋老公or老婆？世界上冇曬人？而且個女人唔係靚，極瘦又黑，似越南人，不過我估應該係大陸女人，睇佢對話個女人寫簡體，sponsored 語音講廣東話都聽得出。唔知邊方面吸引到我老公，唔通係當好過叫雞？而且仲要做野地方一齊（都係因為我老公關係所以佢哋可以做野地方一齊）可能好多人會話我肯定港女臭脾氣又或者唔俾老公掂嗰啲所以佢先出去滾，但其實我哋咁多年一直好恩愛好sweet，性生活都很正常，佢亦都好錫我同小朋友，每日出門or翻到嚟都會錫我一啖講love u，訓覺每晚都攬住訓，但每當我諗翻起就好心痛，可能佢翻嚟前同個女人一齊，個女人係咪都係響屋企時都係同佢老公恩愛，出面又同我老公恩愛？我知好多人玩婚外情講定各取所需互不干涉各自家庭，唔知佢哋係咪都係咁。如果係真愛嘅話個女人會咁傻？有邊個男人可以容忍自己心愛女人日日同第二個男人訓同一張床？就算唔同一張床都係同一屋簷下啦，唔好話心愛，就算唔愛都忍受唔到啦，我老公可以知道佢同第二個男人一齊都冇野唔通你自己唔知佢係咪真心對你？sponsored

件事都過左差唔多成年，到依家我都冇同我老公提過，每日過住以往一樣嘅生活，直到有一日我又係趁佢訓著拎左佢部電話出廳睇，佢突然出來去廁所後見我睇佢電話，佢面色即刻大變，我話想上網搵資料，我部電話冇電所以用佢嘅嚟搵，第二日佢去沖涼時我再睇翻佢部電話已經冇曬佢同個女人嘅所有對話紀錄，連名都改左，再之後嘅一日又睇到佢同佢個fd對話講想同個女人散，不過個女人有病（個女人之前腦做手術，好似係癌症），怕刺激到佢，想慢慢疏遠等個女人自己離開。sponsored 日日失眠好辛苦，我老公一出去我腦海就出現佢同個女人一齊嘅畫面，依家都咁耐我都唔知自己下一步點行，係為左小朋友吞聲忍氣繼續沈默定爆煲，個女人仲成日叫佢做老公，可能到我忍無可忍時我會直接踩上個女人屋企同佢老公講，（之前睇佢哋對話，我大概知道個女人屋企住邊）佢破壞我家庭我都不會讓佢家庭好過！

sponsored 想講我有做野有翻工，人工都絕對養得起自己同小朋友有餘，我自己都愕然點解可以忍受成年，再者我冇話過我老公冇錯，我不嬲覺得一個巴掌拍唔響，我老公一定有責任，唔會全部怪責係個女人錯，可能係我當時思緒好亂所以講啲野令大家覺得我將錯推曬俾個女人，好多人話我痴線，可以忍受到咁耐都唔出聲，其實依啲野發生響自己身上試問又有幾個可以做到波瀾不驚？我唔係夠冷靜，而係我在逃避不敢面對。當我第一次cheap佢電話時睇到佢哋已經互叫老公老婆，點解我可以忍？因為我睇左幾個鐘佢哋啲對話明顯的我老公的對佢冷淡，我老公開始好敷衍咁覆佢，佢都因為我老公對佢嘅態度而成日嘈交，所以我估我老公應該開始玩厭。最主要係我放唔低頭家，唔想小朋友單親，唔想我辛苦經營左十幾年嘅感情拱手讓於她人，睇到有人話我老公去滾我要檢討自己，點解我要檢討？做錯嘅係佢，憑什麼要佢嘅錯去懲罰我？就算係我有千萬個不好，咁就可以去滾？咁當初我同佢一齊時佢咁窮咁我係咪就可以去搵個有錢人一邊嚟養我而我又一邊同佢拍拖，兩邊食住？就算我唔好點解唔可以直接講分手然後再搵第二個。講真我有信心我老公唔會因為佢而離開我，如果唔係我知依件事嘅話其實我哋仲係恩愛夫妻，我忍受嘅原因之一都係驚我爆出嚟後就算大家繼續一齊心入面都會有條刺。而且嗰日我都睇到佢whatsapp佢同個fd講佢開始好厭煩個女人，咩事都要搵佢，有老公唔搵老公就乜事都搵佢，仲講自己老婆咁好唔去照顧自己老婆，點解要去幫人湊老婆，時間紀錄係我未撞到佢哋之前，所以不存在專登講我知。所以我覺得我老公應該都開始想同個女人分開。同自己講忍忍便過去。sponsored 我老公同個女人講自己收入唔係好高，普通打工仔一個，但事實係我老公一個月入7,8萬，唔算有錢但都不至於窮，根本就係佢唔想洗錢佢身上，情人節送對耳環都係三百幾蚊，但如果話一個仙都唔出又冇可能嘅，但我估唔會多囉，個女人唔會諗普通打工仔點住得起咁貴嘅樓同小朋友可以讀名校咩？唔通真係靠父幹？定係佢大陸落嚟冇見識所以咁易tum？定係佢扮豬食老虎，其實佢係知道我老公唔窮，扮傻信佢，然後一步一步呃？等我老公以為佢人單純不是為物質嘅好女人？

sponsored 前兩個月我有幾次衝動想上佢屋企爆鑊，每次去到樓下都噤低自己，叫自己冷靜諗清楚先，有一次去到佢樓下內心掙扎緊嘅時候就咁啱見到個女人同佢老公仲有個仔一齊響屋苑出嚟，兩公婆貌合神離，我跟響佢哋後面，隱約都聽到啲佢哋對話，佢老公應該好大男人同對佢應該唔好，開口埋口就係粗口，同個仔講野都係「能」「能」聲，當正兩母子係仇人咁，而個女人又真係似大病過後又病又殘，嗰一刻我竟然有啲同情佢，覺得佢一個女人離鄉背井大陸嫁落嚟仲要有咁嘅病個老公仲要咁對佢，我初以為可能佢哋之前有鬧交所以佢老公先咁惡，當睇到佢老公對個仔嘅態度同語氣就知根本性格就係咁，有邊個父親會同自己嘅小朋友小學生講唔係「能」就係「on9」仲要係「on能9」，可能係因為佢老公對佢唔好所以佢先要響出面搵安慰。嗰一刻都覺得佢幾可憐，正係應左嗰句：可憐之人必有可恨之處！sponsored 我尋晚同我老公有暗示過出軌依個話題，我話同事A個老公出面有女人，借意問佢會唔會做出對我唔住嘅事？佢神情緊張咁答唔會，我話如果你對我唔住嘅話我唔會原諒你，我會帶埋個仔走，永遠都唔會見你亦都唔會俾個仔見你，佢答話唔會，一定唔會，我話就算有，趁我未知快啲斬纜。其實去到依家我忍耐力真係去到極限，唔想再繼續自己承受住依啲折磨，依家俾最後時間佢，如果佢再唔同個女人分開我都唔會有咩留戀。

[圖擷取自網路，如有疑問請私訊]