香港網民票選TVB上半年最佳男、女主角

近年無線劇集口碑同收視都屢創新低，唔經唔覺已經嚟到六月，唔知大家記得幾多套上半年播放過慨無線劇集呢？當中又有幾多個劇集男女主角令你留下深刻印象呢？最近有網民喺討論區搞左個上半年最佳男女主角慨投票，而家就同大家睇下暫時頭三位慨走勢啦！女主角方面 第三位：陳煒《火線下的江湖大佬》過檔無線多年慨陳煒，今次終於可以擔正女主角，劇中飾演傻冧願意過住洗盡鉛華慨生活，做小女人，專心同老公一齊搞街坊飯店咀爽爽。佢同Ken哥飾演夫妻，雖然年紀上有一定慨差距，但系睇落覺得好舒服好自然，完全冇唔襯慨感覺。
第二位：朱千雪《EU超時任務》一向有觀眾緣慨朱千雪，喺穿越時空劇集《EU超時任務》出街後，唔少人都對佢讚不絕口。劇中飾演女警凌晨風（糞箕笠）不停穿越時空，仲同王浩信飾演慨渠頭有感情線，唔少網民都好鍾意佢的呢一pair，仲激贊佢以新人嚟講已經算系唔錯，有樣有演技，捧佢做視後接班人。
第一位：邵美琪《刀下留人》年頭播出慨《刀下留人》劇情打破常規成功製造話題，大結局一反無線劇集方程式，邵美琪飾演慨花蕊紅竟然安排黃德斌所飾演慨葉常綠親自操刀斬首，生死相隔。佢喺呢套戲慨演技被網民大讚出色，尤其系喺佢臨死行刑嗰幕，佢斬首前慨表情同口中念念有詞，唔少網民都認為系近年佳作。
男主角方面第三位：陳展鵬《廉政行動2016》雖然《廉政行動2016》只系得5集，但系Batman Sir呢個角色已經足以令 觀眾留下深刻印象。面對女朋友Wendy（姚子羚飾演）慨價值觀改變而以身試法，佢嗰種失望、不安同狠下心腸大義滅親慨表情，唔少網民都睇到好緊張，認為好有感染力。
第二位：鄭嘉穎《僵》重金打造慨《僵》又CG又遠赴荷蘭取景，但系收視就認真劇中飾演麻麻，佢今次長發留髮look仲俾人話佢似元華，仲俾網民笑問系唔系掛住打殭屍，五百年冇洗過頭。佢喺劇中cool到爆同女朋友陳凱琳、高登女神謝安琪有唔少對手戲，可能對手慨演技實在太幼嫩，所以更加成功突顯鄭嘉穎慨好戲。
第一位：王浩信《EU超時任務》要講上半年最入人心慨一定系王浩信飾演慨渠頭，佢同糞箕笠（朱千雪飾演）慨呢一pair深受觀眾愛戴，其中一幕渠頭再次穿越時空，重遇糞箕笠，可惜糞箕笠已經唔記得佢，搞到佢好傷心，睇到唔少網民眼濕濕。王浩信因為呢一幕亦被唔少網民激贊佢好好戲，絕對有資格成為最佳男主角。

想在手機閱讀更多娛樂新聞資訊？
下載【GigCasa 激趣網】手機應用Android版 iPhone版


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁