港女評洋腸 : 食開蝦餃燒賣想食肉醬意粉

:0:0

每逢星期五、六晚上的蘭桂坊都盡是布滿喜愛夜蒲的男男女女，不過同以往比，較大分別嘅係香港男女大部份已轉往樓上的夜店玩樂，而在蘭桂坊的街道上，大部份都是外籍遊人。唔知大家仲記唔記得在14年發生嘅「蘭桂坊洋腸事件」，喺當時搞到全城港人瘋狂討論，更有唔少網友指斥港女崇洋，但到2年後的今天，洋腸們在港女心目中的地位有無動搖呢?而港男在外籍女士心目中又會唔會特別吃香呢?《壹》仔落蘭桂坊探究一嚇。sponsored

2位不願上鏡的港女在一酒吧門外企喺度傾計，亦向《壹》仔大談自己對洋腸的睇法。港女A表示自己曾交過外籍男友，故不會抗拒洋腸、甚至咁樣講:「作為中國人，食開蝦餃燒賣，都想試嚇意粉嘅。」反而另一位港女B則非常支持港男:「我唔鍾意外國人嘅，我淨係鍾意本土，即係香港人囉，我支持local(本地)，因為大家個文化一樣囉，即係起碼我可以講到啲自己想講嘅嘢，即係我講出嚟佢會明，但如果有樣嘢我想用英文表達就未必表達到。」sponsored有港女仍然like洋腸，但有港女堅持支持港男，情況好似冇再咁一面倒地港女愛洋腸，而來自法國嘅型男就激讚港女，話港女唔止靚，仲同佢好健談:「法國女人不會願意跟你傾太多、不太想跟你做朋友，不過香港女人則非常健談，很友善，樂意跟你聊天。」不過佢就話自己已有女朋友，否認嚟蘭桂坊搵港女玩屌埋。

成日講蘭桂坊洋腸、港女乜乜乜，係時候應該要講一講港男喺蘭桂坊外籍女遊客心目中嘅睇法啦，來自英國的Kate就用「麵皮厚」嚟形容港男，指港男在香港選擇多，所以佢哋可以做任何佢哋想做嘅事，似乎係暗指港男唔專一;另外2位分別嚟自美國及英國的靚女就話港男經常借意請佢哋飲酒同作親近接觸向佢哋作出性暗示;嚟自非洲的2位女遊客就話可能港男覺得佢哋外型同其他女性不同，所以比較少港男同佢哋交流;而2位韓國靚女就話有部份港男外型吸引，不過因為言語問題溝通唔到。sponsored從幾個嚟自不同國家的靚女得出對港男的意見，似乎冇港女對洋腸咁正面、咁有吸引力喎。

[圖擷取自網路，如有疑問請私訊]