好絕望，ex傳染咗椰菜花比我，仲有左個唔應該有既嘢！點算？

:0:0

我系一個咩都冇既女仔，冇錢冇朋友、冇家庭溫暖，連一個愛自己既男仔都冇。
但自從L先生成為我SP之後，我先開始感受到有人錫有人關心既感覺。
我地大概每個星期一次。因為我有食開避孕藥，所以每次佢都冇做安全措施

。但有食開藥都知，其實有好大副作用，所以有時太頂唔順會停一停，等好少少先再食，但呢樣野冇同L先生講。
早兩個月佢話要返北京做大半年野，所以果排我地頻密左好多。
唔知關唔關事，終於出事，
我唔知應該點做，因為L先生本身有個一齊8年既女朋友，準備結婚，而我冇諗住拆散佢地。
各位sis，我應該點做？
我好後悔識咗佢…… 依家搞到自己咁……
我一發現自己有事就去睇政府，初初得2粒系出面，
睇咗3次都無好過！依家果度入面仲生埋…… 仲要好多……
自己免疫力又唔夠好…… 都唔知自己會唔會好得返T^T
但政府話入面唔會幫我醫，我都系自己檢查先發現到有……
我既世界真系完全毀滅咗啦…… 我好灰心……

我行行下路都會想喊…… 我覺得自己就黎抑鬱啦。
我依家諗住睇私家醫生，希望可以快d 好……
唔知有無人之前睇過覺得好，可以介紹比我佢睇？
我仲諗住買疣定寧自己搽……唔知有無效？
我今朝去左睇私家醫生，佢幫我做冷凍，過程好痛好辛苦，我痛到標冷汗…
半個鐘之後就無咁痛啦。醫生開左消炎藥比我食同抗生素搽…睇左千五蚊，好貴…
我有同ex聯絡，但佢唔相信自己果d系疣…之後無搵過我，無關心我同內疚…
大家記住識男朋友要小心…唔好比甜言蜜語同假象騙到…否則，後果系一輩子架…
無論系精神上，肉體上，經濟上既傷害系好大好大…唔系咁輕易可以彌補得到…

[圖擷取自網路，如有疑問請私訊]