(獨家) 陳奕迅疑患思覺失調 Eason：「我成日見兩個自己講野」

sponsored陳奕迅疑患思覺失調 Eason：「我成日見兩個自己對話」陳奕迅見粉絲咁熱情，即刻行近揮手講拜拜，但就唔敢行入人堆握手，而身旁的蘇永康則一臉擔心。自爆思覺失調 Eason：「我成日見兩個自己對話」本月 10號晚， Eason在台上剖白︰「我頭先入咗個奇怪世界，我成日見兩個自己對話」兩種情緒病打孖嚟，據聞令一向大癲大肺的 Eason飽受困擾，日常生活亦受影響，要長期覆診控制病情。情緒病可大可小，陳奕迅囡細老婆嫩，一定要乖乖哋食藥喇！經常周圍飛開工的陳奕迅，近年做到冇停手，除了密密接廣告，又要巡迴演唱，早前更以 800萬人仔擔任內地歌唱節目《中國最強音》，與章子怡等人做評判，要定期飛北京錄影，相當頻撲。sponsored愁爆完騷後， Eason同粉絲揮手道別，阿徐就抱攰爆康堤上車等，阿徐仲等到托曬腮發呆，冇乜耐性！認有情緒病sponsored老豆撐場Eason父親陳裘大亦有到紅館捧場，離開時更有後生女陪住走。忙到冇氣唞兼要擔起成頭家， Eason近年身體開始出現問題。體重高達 188磅，冇時間 keep的 Eason周身病痛，唱完第 4場後因偷食 20粒蒟蒻搞到胃脹，要漏夜入院「洩氣」；另外左腳十字韌帶曾斷裂，又要在膝蓋抽番 20毫升水消腫；到第 9場更出現聲沙氣咳，令在場粉絲非常擔心，阿徐出席活動時亦說︰「我入後台支持佢，佢病得較嚴重，所以夜晚我同個女瞓。」咳兩聲屬小事，最令人憂慮的原來是 Eason的情緒問題。 17號當晚， Eason在尾段唱〈時代曲〉前，忽然有感而發，向觀眾不停 say sorry，仲自爆患上躁鬱症及社交焦慮，「有啲情緒病應該係……我愈來愈怕見到好多人，我講真，我有人群恐懼症，真係唔係講笑……我有少少嗰啲叫『 bipolar』（躁鬱症）……我頭先入咗個奇怪世界，完全唔記得你哋喺度，其實你哋係咪喺度呢？」sponsored講病情講足 5分鐘，最初粉絲以為搞 gag，後來見 Eason愈講愈認真，於是不斷叫「加油」，雖然眼濕濕的 Eason，沒有透露是否治療中或已經康復，但最後亦承諾會繼續努力生活。陳家瑛出招上週六是 Eason 39歲生日，晚晚現身撐老公的徐濠縈，這晚與臣媽一齊入後台，希望精神上支持 Eason。據知這次開騷， Eason相比以往文靜得多，除了希望養聲之外， Eason似乎不太想與人接觸和說話。sponsored阿倫曾透露病情中醫補身捱到殘曬， Eason定期都會睇中醫調理身體。其實早在 09年，譚詠麟已向傳媒透露 Eason曾經有抑鬱，當時校長說︰「有次 Eason助手話佢喺車入面好 upset，因為太多工作，後尾我話每個人都有唔同階段，而家係搏殺期唔好呻。我係搭訕王，佢係吹神，大家傾嚇偈抑鬱就散曬！」而大 S徐熙媛亦曾自爆患上躁鬱症，而且病情嚴重，發病時曾想殺死阿媽，又在房間藏了兩把菜刀，極之恐怖！此言論一出，竟被台傳媒炮轟教壞細路。sponsored其實藝人工作量大，容易有壓力而誘發情緒病，不過只要 Eason定時食藥，又肯繼續「吹神」上身搵朋友傾偈，相信好快會好番！5分鐘台上剖白不斷道歉Sorry，真心 sorry。好奇怪呢啲嘢，有啲情緒病應該係，做呢行都應該有嘅，真係好衰囉，真係唔好意思。sponsoredEason講起自己有病時神色凝重，又不斷低頭沉思，病情似乎唔輕。最衰一日你哋係咪有啲識咗我十幾年㗎喇？都未見到我最衰嗰啲，唱又唱得衰，即係盡咗力喇，真係未試過，覺得今日係我人生最衰嘅一日，係咪啊？你哋真係唔好彩，真係對你哋唔住，不如重頭嚟過？真係點樣做呢，真係豈有此理吖。sponsored人群恐懼我真係好想如果唔介意嘅分享嚇喇，我愈來愈怕見到好多人，我講真，我有人群恐懼症，真係唔係講笑，我唔知大家有無？我講真，今日好認真，特別認真，過分地認真，好奇怪，我有少少嗰啲叫咩「 bipolar」，通常嗰啲聽我歌嘅人都比較有啲學識嘅，即係兩極嗰啲呢，即係唔係「攣」就直嗰啲，我頭先唔知入咗個奇怪世界裏面，唔好意思要大家同我一齊分享，我入咗一個我完全唔記得咗你哋喺度，其實你哋係咪係度呢？自我封閉我頭先唔知點解忽然之間自己封閉咗自己，你見唔見我自己，我冇望過你哋，我係一個想令大家開心嘅人，識我啲朋友都知，唔知點解，硬係十下裏面有一下呢就會啊，都唔知今日你哋好彩定唔好彩，見到我好真嗰個（人），通常慣咗喺舞台上面呢始終都有塊膜嘅，即係點都會避忌嚇，大庭廣眾，我今日覺得大家好似好 friend咁，希望大家聽日唔好怪我，（加油呀！），多謝你，我會努力，一直都加油。sponsored


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁