老公同個出黎做既女人，經常攪

:0:0

sponsored 講少少背境先，我廿八歲，2013年8月結婚，我老公大我十二年，離過一次婚，算係高薪厚職！初初結婚時，真係覺得自己幾幸福既，自己本身好鍾意動物，婚後可專心留家照顧病狗，個老公又好老實咁，連自己上次係因為第三者而離婚，仲好後悔，咁當時既我係真心信佢既，係我心中，信任喺一段感情入面係好重要！婚前我亦有講明，無論日後點都好，都唔好同我講大話，就算要同第二個女人一齊，唔該同我離左婚先，我真係好討厭人厄我同劈腿，咁佢當時緊係例牌話唔會，咁天真既我天覺得自己聲名左，佢就算要滾要變心，都識點做先！但原來男人有前科真係信唔過架，8月先結婚，第2年5月已經比我無意間發現佢約緩交出去玩，咁我當然唔會表明自己有證據喺手啦，因為佢知我係個唔會check佢任何野既人，我萬萬都估唔到佢講大話係可以講到真既一樣，果下我已經知佢係信唔過，江山易改，本性難移，我就拎哂所有證據出黎，佢已經無得唔認，當然亦求我原諒佢，話以後都唔會，我自己又衰心軟，就比一次機會佢，誰人無錯！sponsored

喺我發現左呢次時，佢答應會改過呀，對我好啲呢啲野，我就放長雙眼觀察，咁佢有冇改過呢？！實際上係無，只係愈黎愈差，我病佢都唔會理我果隻，但當時我狗狗重病，醫療費好大，我知自己負擔唔起，唯有啞忍落去，直到今年新年前，我發覺呢個男人好古怪，我心知佢喺出面玩得好繽紛，但我無證據喺手，佢當然慣例唔會認，仲要大聲話返我轉頭，但佢蠢就蠢在，佢唔知我太了解佢，佢幾時講緊大話，我一眼就睇得出，當時我話要離婚，佢當然唔肯，但我知以佢家下出面玩得咁開心，唔洗好耐實有啲證據會漏出黎，咁我就選擇等，無理由你咁賤，我渣都無就走左去，我唔為自己諗，都要為我班寵物諗，佢地開支好大，就算我出去做返野，都無可能負擔到！sponsored 唔知係個天可憐我，定係點，一個月後，無意間拎起佢電話時，就有個wtsapp彈左出黎，寫住「I miss u」，咁我就拎住個電話問佢，佢當時仲要大大聲話識個朋友唔得咩？！我真係心諗，你又當我小明呀？！我點會放過佢，比我問下問下，就得知呢個女人係做緩交既，識左三個月，呢個男人有幾賤，我早就知，所以一啲都唔出奇，但嬲就嬲在，個女人自己2014年先結左婚，個女都係得幾個月大，出黎做緩交可能經濟有問題，呢點我唔理啦，但自己都有老公，點解可以做得出啲咁既野？喺我盤個男人既時候，我知呢個女人後期係無收錢，仲朝朝wtsapp談情，離譜到喺我老公電話度裝埋追蹤，明知我當晚已經踢爆左佢地，佢仲要係咁同我老公wtsapp,完全當我死既一樣，到我忍唔住發爛喇，佢就轉wechat再講野！究竟係我有問題丫，定係依傢啲第三者係咁既呢，我完全理解唔到，我只係覺得，作為人母，身教都好重要！sponsored 最後，我當然離婚成功，我開既條件佢都一一答應，呢一課真係好寶貴，教識左我好多野！須然呢一刻既我都未嬲完，希望時間可以沖淡當晚既一切！

[圖擷取自網路，如有疑問請私訊]