(對話流出) 氹大陸妹屌西呂方榨乾 Do姐

:0:0

我報警 o架！（真實對白）
正在籌備七月個唱的呂方，最近頻頻四出宣傳，接受訪問時，更肆無忌憚提出「坐監論」，指過去跟鄭裕玲一起的十六年日子，似足坐監。此話一出，隨即惹起公憤。

被指「賤男」、「冇量度」的呂方，近日再被一名內地女子周小燕踢爆惡行，指去年被他騙財騙色，聲稱自己系炒股高手的呂方，氹完人上床，再呃對方攞出四萬蚊人仔積蓄投資，錢一到手，即時人間蒸發，名副其實又食又拎。
人財兩失，受害者小燕主動聯絡本刊大投訴，其間情緒激動，更指呂方：「正禽獸！正色狼！」
次次酒店房見
○八年，呂方與 Do姐宣布分手，十六年情玩完。未夠半年，呂方本性現形，開始四出獵食。○九年六月，呂方在深圳表演時，認識了在內地做節目助理的周小燕，今年廿五歲的小燕雖不致於天香國色，但樣貌尚端好，呂方見狀即刻嗒糖，積極落手，狂發 SMS相約對方到香港見面。
「我同呂方因為工作關係喺上年夏天認識，嗰次佢去深圳做騷，我負責接待佢，嗰晚做完嘢，佢問我可唔可以保留我個電話號碼同我保持聯絡，我應承佢。跟住佢就經常搵我，傳 SMS俾我，話掛住我，想約我去香港見面，問我可唔可以做佢女朋友，仲話自己對感情好認真。我哋就咁開始發展。」

一個月後，呂方終於得償所願，成功相約小燕在香港見面，小燕更自己出錢租住位於灣仔的一間酒店。一到埗，呂方便第一時間直踩上小燕的房間。
「我次次嚟香港都住喺灣仔嗰間旅館，租房錢都系我自己俾，我哋多數都系喺旅館見面，連食飯都唔外出，系佢買外賣返嚟。佢話佢系公眾人物，喺香港好有知名度，唔方便外出；我哋一個月最少都見四、五次，次次都喺酒店，喺酒店做乜？大家成年人，呢啲嘢心裡有
小燕拿出呂方傳給她的 SMS做證，內容挑逗露骨。
周二下午一時，冇工開的呂方駕車離開大坑寓所，到附近洗衣鋪攞衫，被問到騙財騙色一事，即大發脾氣，仲激動到話要報警。

分手前兩個月， Do姐替呂方搭路跟製作人丘亞葵簽了兩年經理人合約，但懶散唔願做的呂方，最後提早解約，合約只維持四個月。

去年 9月，小燕得知呂方到廣州演出，即打算上門追債，但呂方卻唔認帳。

07年， Do姐拉攏呂方拍攝無線劇集《當狗愛上貓》，但拍完一套劇後，呂方又再打回原形，不事生產。
自吹炒股高手
工作量近乎零的呂方沉迷炒股，早年有傳因炒股輸掉 Do姐過千萬老本，搞到分手收場。認識小燕不久，呂方重施故技，吹噓自己是股壇高手，氹對方落疊。
「佢同我講自己喺香港炒股票好叻，賺好多錢，叫我俾五萬蚊佢投資，即系四萬蚊人民幣，我起初都唔肯，但佢不斷遊說我，話炒股票可以好快賺錢，賺夠錢就可以結婚，我最終俾佢說服到，過錢去佢戶口。點知錢一到佢手，佢就人間蒸發，連電話都唔聽，我就知中計。」

05年呂方與鄭裕玲拍拖飛往泰國曼谷過聖誕，四日三夜行程，二人各有各玩之餘，呂方更襯 Do姐返酒店休息時，半夜獨自出外尋開心。
放大圖片

08年，呂方應邀到上海出席《舞林大會》演出，完騷後，被拍得夜會吳啟華前女友金巧巧（圖中），二人齊齊到浦西嘆大閘蟹。
廣州捉呂方

人財兩失，小燕得知中招後，不斷追查呂方行蹤。去年九月，小燕得悉呂方會到廣州出席亞運演出，即相約一名好友到廣州找呂方攤牌。
當晚活動後，呂方與一大班工作人員返回酒店，一見到小燕，立即將她拉上酒店房。
「佢一見到我，就叫我唔好生事，驚我揭發佢啲衰嘢，即刻拉我上房，我問佢攞番錢，佢同我講大家都系成年人，呢啲嘢你情我願，五萬蚊咁小數目，呃嚟都冇用，仲話同我已經冇關係，叫我唔好再搵佢。我今次出嚟面對大家，系想揭發佢慨真面目，希望借呢個機會去懲罰呢個無賴賤男。俾一個咁低質素慨男人呃，我真系覺得好唔抵！佢正一禽獸，正色狼，我一定要討回公道。」
放大圖片

上周二（ 18日），呂方約朋友到銅鑼灣一間西餐廳晚飯，其間更收到友人送的禮物，笑容滿足地離開。
放大圖片

晚飯期間，呂方心情大靚，如開籠雀般跟友人有講有笑，更一口氣飲了一支白酒。

早前呂方發表「坐監論」，指跟 Do姐拍拖 16年如坐監一樣，結果被網民圍插。

搵律師要報警
據了解，飽受傷害的小燕去年尾曾企圖自殺，幸好她的母親及哥哥及時制止，為免勾起回憶，小燕更辭去工作，與母親暫時寄居在馬來西亞的親戚屋企。
周二，繼續百無聊賴的呂方，駕著當年 Do姐送給他的寶馬，從大坑寓所出發，到附近的洗衣鋪取衫。

記者上前追問關於小燕被他傷害的事，呂方一聽到對方的名字，即時大發脾氣：「我唔識佢！我已經打算交俾律師處理。」他愈嚟愈激動：「我仲打算報警添呀！」其後，記者再致電呂方，他一接電話，即顯得不耐煩，「又系問嗰單嘢，我會交俾警方處理！（但小燕俾我哋啲 SMS系由你呢個電話發出？）咁內容系關於咩？……內容系咩？（呂方緊張地不斷追問）關於我爭佢錢 o架？呢個女人好犀利！咁樣陷害我！」。
拍拖變監躉
新秀冠軍出身的呂方，愈做愈霉，只偶然出騷登台搵飯食，與 Do Do鄭裕玲拍拖後，他更索性繑埋雙手不事生產，住女友屋、揸女友車，甚至有傳他投資失利，令 Do姐損失慘重，導致分手收場，但呂方卻用「坐監」形容與 Do姐的 16年戀情，成為賤男人版。
91年呂方同 Do Do在吉隆坡登台，返港後，呂方主動約女方踩單車，展開追求。

92年兩人秘交一年，被人目擊到同游日本，但雙方堅稱沒有拍拖。
96年呂方拍攝音樂特輯《阿方正傳》，在隔籬廠拍電視劇《新上海灘》的 Do姐，過廠為男友打氣，戀情正式曝光。
97年呂方發生交通意外，同車的女伴正是梅艷芳前經理人王敏慧（ Marianne），事發後兩人再到酒吧消遣，呂方被指背女友偷食。 Do姐為撐男友，主動邀請兩人在她主持的電台節目中澄清。
01年 Do姐同黃子華拍《男親女愛》期間傳緋聞，令對方的女友劉婉君仰藥自殺，被指是第三者的 Do姐，獲呂方高調維護。
03年 Do姐母親離世，呂方儼如女婿在靈堂上打點一切。
05年兩人到泰國過聖誕，除了食飯外，各有各玩，其間呂方撇低 Do姐獨自去酒吧暢飲。
06年兩人一同擔任《翡翠歌星賀台慶》男女子組隊長，成功製造新聞話題。
07年傳 Do姐背後發功，助呂方到紅館開演唱會， Do姐連續四晚捧場為男友打氣，而呂方在個唱上更承諾會迎娶女友。
08年 Do姐自爆同呂方玩完，聲稱不涉及第三者及金錢。
放大圖片

96年

01年
白費心機
一直紅歌唔紅人的呂方， 99年與李克勤拍檔主持《勁歌金曲》後，便開始進入「零」工作狀態，多次被傳媒影到夜蒲消遣。唔忍心男友無所事事， 07年 Do姐出面搭路，呂方終於有機會再踏紅館開 4場演唱會和參與劇集《當狗愛上貓》演出。
08年二人正式分手前， Do姐安排丘亞葵擔任呂方的經理人，十多年來嘆慣懶慣，呂方頻頻推 job唔願做，合作 4個月便提出與丘亞葵解約，白費 Do姐一番心機。