雨僑星洲做烈女為新加坡旅遊局拍旅遊特輯

:0:0

sponsored雨僑 (Ava) 早前應新加坡旅遊局邀請，前往星洲四日拍攝旅遊特輯，玩盡海陸空，但原來在起行前，Ava仲以為被整蠱，因為主辦方發電郵邀請她和男友羅力威一齊拍攝，實在破格到令她難以置信，「無端端請兩個人，仲要系開心吃喝玩樂之旅，邊有咁大隻蛤乸隨街跳？所以一開始系拒絕，但後來對方換咗個角度，變咗girl’s trip。」

sponsored

Ava並非抗拒情侶檔接job，只系今次又要拍片又要出旅遊小冊子，兩人一齊較難handle，她說：「我有拍開YouTube片，一般拍慣咇哩吧啦講嘢嗰個系我，但兩個人一齊慨劇情系點發展呢？所以暫時未系好接受到兩個人出trip工作，咁啱個trip後來改咗行程，反而變成啱女仔去，所以我都拍得好開心。」其後Ava順利成行，才發覺男友沒有同行都系好事，「呢次系我第一次拍旅遊特輯，以為好他條，原來一日瞓得三、四個鍾，行程又緊密，工作時間好長，攰到想死，所以同佢去慨話，呢個回憶未必太開心，但做嘢嚟講，呢個trip都算超值，有人請我玩到盡。」sponsored

此行Ava又要跑步又游水又要「飛天」，她笑說：「好似玩三項鐵人賽咁，日日有好多唔同慨體力勞動，但啱我慨，新加坡系一個動靜皆宜慨地方，我都好想再去。」這次最刺激的是在聖淘沙玩鋼索飛行和滑坡車，Ava笑謂自己心臟虛弱，平日一定唔敢玩，「嗰日拍鋼索飛行，當上曬安全帶影真系吊咗出去慨時候，我突然之間好想飛，好似精神病發作咁，跟住撳個掣我就飛咗出去，我直情放開手腳成個大字型咁飛過去，勁enjoy。玩滑坡車都系，平時喺香港揸車出屋企門口都覺得好驚，但因為要拍攝，玩咗幾次滑坡車後，竟然玩到純熟曬。」sponsored