比男友打機，就係令佢專一既最好方法，你認同嗎？

:0:0

sponsored各位女朋友，老老實實，無論你幾有自信，唔多唔少都一定會擔心男朋友識第二個女仔，因為呢個世界太多引誘。今日同大家介紹返一個可能啱你用嘅方法，杜絕男朋友身邊嘅第三者。首先，你要有男朋友。然後，佢有時會成日唔應你，幾個鐘先覆你，然後問佢做緊乜呢，又唔多想講咁。你以為佢收埋另一個，對你唔住，但事實上，佢係對住另一部⋯⋯遊戲機。如果你男朋友鐘意打機，妳99.9999%試過因為佢掛住打機唔理你而發脾氣，話：「你打機得啦，以後唔使再理我。」佢氹完你，以為冇事啦，點知下次佢又遲咗應你，妳又忍唔住再嬲過，呢個問題loop極都唔完。但你唔使灰心，令男友沉迷打機，就係令佢專一聽曬你話嘅方法。你要明白，當一個男仔打機，佢係會不能自拔，好似吸毒咁，一得閒就會手癢，萬一嗰日冇得打，或者要同妳去街，就會目光呆滯，心不在焉，不停手震⋯⋯sponsored正所謂欲擒先縱，所以，其實嗰啲咩FIFA、Division、最近手機仲有隻咩數碼暴龍，佢哋係你嘅好戰友！試諗下，你咁愛佢都頂唔順佢打機，啲第三者又點會鐘意一個掛住打機唔理佢嘅男人呢？而你嘅男朋友，又點會容許生命上，有兩個唔畀佢打機嘅女人呢？（計埋媽媽三個）另外，千祈唔好低估你男友為咗打機而會付出嘅心機，當佢一得閒，佢唔會再睇囡囡相，而係睇打機攻略；同班friend一齊嘅時候，唔再係傾邊個女仔好J，而係點先可以喺FIFA升到D1；就連上高登都唔係搵seed睇J圖，而係睇巴打分享心得。即係代表乜？代表佢唔會再花心思追第二個，好毒咁心諗：「追女？咪煩，打舖機好過啦⋯⋯」最最最緊要嘅係，當你皇恩浩蕩畀男友打一陣機，好過送十份禮物，佢會感激到以後你想點都得，佢仲可以自豪，好威威咁響班兄弟面前show off：「嚇？乜你哋女朋友唔畀打機㗎？咁專制㗎，我女朋友好好㗎喎，唔會阻我囉，好free！」sponsored呢個時候，你男友已經完全聽曬你話。你唔使再驚佢搵第二個，因為佢覺得你係最好。肯畀男友打機嘅女友，proud of you！（PS：但男友們，打還打，女朋友還是要理的！千祈唔好掛住打機忽略佢，死路一條，咪等佢同啲姊妹shopping，瞓咗覺，有嘢做唔得閒理你，先玩一陣囉！）

[圖擷取自網路，如有疑問請私訊]