亞視、《愛回家》同日齊齊收皮，「結局」鬥老套、鬥失望？

昨日4月1日，香港2大電視台都有「收皮作」，先講8點鐘TVB《愛．回家》，播出第995集大結局。劇情又係一如以往的「誤會」啦，發散曬人、叫埋曹總、超人出重賞搵馬家好，原來家好瞓覺一個華麗轉身跌咗落紙箱，跟手劉丹一句「原來最珍貴嘅喺屋企」，叫觀眾「愛回家」咁話，仲要叫夠幾次，驚死唔夠煩。不過勉強都叫俾你兜到嘅。至於Fans 最失望應該係連馬子妮都結埋婚，但到最尾德如就未能回歸同馬壯成一pair。sponsoredsponsored之後扮cut機、扮唔捨得、扮太入戲抽離唔到…咁樣去講《愛回家》陪住啲觀眾4年幾，相信啲忠實fans 都流曬眼淚，又順手sell 埋《八時入席》。sponsoredsponsoredsponsored無論鍾唔鍾意／有無睇《愛回家》都好，其實齋講呢段都唔算核突嘅。但你又畫蛇添足，係都要跳返段老舞：sponsored之前《畢打自己人》又係咁，係咪欣宜主題曲真係咁好跳呢：另一套處境劇《誰家灶頭無煙火》又跳，sponsored（新浪圖片）《On Call 36小時》又跳（wikia 圖片）其他咩《強劍》、《老公萬歲》…都唔講喇，老套到呢。至於亞視，晚上11時59分59秒，大埔廠同慈雲山發射站熄大掣，話cut就cut 變blue screen。明明亞視節目部執行主任程啟光話，11時59分07秒亞視會有「告別卡」同觀眾道別，說好的告別卡呢？原來無嘅，連盛品儒都話好失望。樹倒猢孫散，亞視員工大合照都係人之常情。sponsored（亞視新聞部資料室根叔圖片；取自明報）原來亞視員工在天台BBQ，真係好有大結局feel。（亞視新聞部資料室根叔圖片；取自明報）一個就日日俾人問幾時熄機問咗幾年嘅台，一套就自開播以來插足咁多集直至馬家回歸，齊齊收皮。即管睇下新嘅免費台同新嘅愛回家會唔會仲趕客，話唔定一開播啲人覺得睇返本港台、歲月留聲啲翻播劇仲好，或者唔夠一個禮拜已經想馬家入席。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁