有坐過西九龍過山車都會知道次次去到某個位都會遇到野好邪

:0:0

有坐過西九龍過山車都會知道次次去到某個位都會遇到野好邪
首先點解呢個號稱「香港首座室內過山車」嘅天龍過山車，會停咗咁耐冇用，但係又始終冇拆㗎呢？據說係因為人流逐漸減少，冇人搭，而且維修費太貴，所以就停用咗，但係亦都有網上傳說，話個過山車次次去到某個位都有問題，觸動西九中心高層嘅神經，先會停用。

奇談二：網民分享撞鬼經歷
今次網上群組上載相片之所以再次引來熱論，係有一位網民忽然大談自己喺西九做保安時嘅猛鬼故事，據佢所講，平均每5年就有人喺嗰度自殺，呢位網民仲警告大家，九樓男女廁所位，停車場由B2至B5太夜都唔好單獨一個人去！佢聲稱之前有夜間保安做咗一晚就唔做，寧願補錢即時走都唔做落去，原來係大約零晨兩三點巡樓時，喺8樓溜冰場見到有女人著住古裝溜冰，亦有保安喺深夜巡車場搵唔到出口上返Bl保安部......哇，古裝女鬼？《大鬧廣昌隆》嗰個周海媚呀？

奇談三：真係有人喺該處自殺
究竟該網民所講嘅撞鬼經驗孰真孰假，真係不得而知，不過翻查紀錄，確有幾單自殺案喺嗰度發生！
2010年：有一父母喺西九中心爭執，該母親情緒失控將其女兒掟落樓，女兒幸得4樓安全繩網而得救，但母親其後再跳樓，將網壓穿直墜商場一樓地面身亡。
2012年：一名有精神病歷女子喺西九7樓扶手電梯攀過欄杆，與兩路過少年眼神交流後突然躍下身亡。
2014年：一名八旬老翁疑從七樓以凳仔做踏板躍下身亡。

来源：www.discuss.com.hk

[圖擷取自網路，如有疑問請私訊]