計我話 "友誼永固" 呢4個字~根本就係on9仔先會講

小學畢業紀念冊個個都話要做好兄弟 友誼長存 結果點呀 升上中學又有一大班唔同既fd 之後咪又係同果班fd稱兄道弟 頭2年初中可能仲會去下小學聚會既 之後上到高中點呀 咪又係唔記得曬班小學兄弟 到考公開試 見到小學同學同一個考場 咪形同陌路咁你眼望我眼 去番中學果堆到討論好啦到中學畢業升上大學(利申 dse retaker) 個個係紀念冊到寫一世兄弟 朋友 當然仲會祝你同中學囡囡長長久久果d啦 到真正上大學果時 成班咪又係同班大學fd一齊上莊一齊玩 中學同學都冇見過都算啦 我當你忙 唔得閒見 一個retaker同一個上到u既囡囡 唔同曬環境 散我都預左 我只係估唔到你即刻可以忘記我同第2條仔一齊 (詳細我就唔講啦不是重點) 重點係中學時我有個由中二fd到畢業既女同學 中四同左我一個中學既兄弟一齊左 我都好登佢地開心 因為我知道佢2個都係好人 咁佢地中學2年幾都相處得好好 我覺得佢地都係幾登對既1pair 但一到升大學果段日子 佢地都分埋手 但最離譜係我自問覺得呢個好女仔竟然同我ex一9樣咁 即刻同左第個一齊 仲要影埋相放上instagram 咁我望到我可能代入左自己落我兄弟到 我好心up好心寒點解連佢都係咁 點解佢會變成咁 咁我就post左張相 內容大概話我接受唔到點解一個人可以轉變得咁快 之後第二朝 呢個中二開始同我好老友稱兄道弟既女仔block左我instagram 哈哈友誼永固 bullshit


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁