賤男傷女後求救，公然問【我咁樣算唔算好仆街？】

:0:0

我係男，讀緊書，上年年中我好主動咁去識左個女仔A，樣靚身材好果d，但性格其實一般，街外識，出開黎玩果隻，識佢果時佢有男朋友。
跟住慢慢都有定期約下出來咁，friend得好快，慢慢我開始鐘意佢，但佢有男朋友，冇乜希望，所以都係諗住做下friend就算。
同女仔A friend o既期間，我識左另一個女仔B，同學，單身，樣ok，乖乖女黎，已經好多年冇拍拖，同佢又係 friend得好快，

我地好多野都好似，好o岩傾，佢都幾了解我，我都有少少鍾意佢，但唔係太多，始終我鍾意A多d，但眼見A都冇乜機會，

我就主動咁同B玩得比較close，而我知其實B都鍾意我，咁我就自自然然咁同佢發展。同B一齊，我覺得好輕鬆，感覺好親切，
所以好多時都係我主動約佢出去，而每次佢都會應約，有時我地都會有d幾close o既動作。同B相處左一陣子，A同佢男朋友無啦啦散左，

我覺得忽然好似有希望咁，跟住我就spend比較多時間落返A，反而同B冇行得咁埋。直至有一日B問我點解好似同佢疏遠左，
跟住佢同我講話鍾意我，問我可唔可以做佢男朋友，但其實果時我個心已經大部份o係女仔A度，所以冇答應佢，

咁B問我大家仲係咪朋友，我話係，其實我真心當佢係好朋友。跟住，我開始主動去追女仔A，但期間我都有keep住同B whatsapp，出去玩咁，

好似之前一樣。又過左一陣子，我同A相處得唔錯，我見時機幾好，同左佢表白，但比佢reject左，果個moment我真係好hurt，十級down，
我將件事講左比B聽，佢好好心咁安慰我，仲特登唔返學幾日陪住我，聽我講我同A d野，又整野食tum我開心，仲叫我唔好咁快放棄，
果刻我覺得佢好，好好warm。有一日佢上左我屋企，得我地兩個人，我攬住左佢，佢喊，話唔想見倒我咁唔開心，

之後我仲同佢發生左關係。後尾過左幾日，我冷靜返d，發覺我做錯事，其實B 並唔係我想搵o既人。跟住我同B講其實我唔鍾意佢，
叫佢以後都唔好搵我，自此佢d 電話同message我都冇reply過。從朋友口中得知，B好唔開心。我而家其實有d內疚，
其實我係唔係好仆街？我d friend話我係……但我都唔想咁，我真係唔知可以點。

update:
大家鬧得我o岩,我真係吾係好人.
今日whatsap 發左message比B道歉....
佢咁回應: 大家都成年人,明白的.你自己都吾好甘吾開心.take care.
佢甘講我更加內疚..其實我而家真係好亂,我又吾可以講完全吾鍾意B,但來到呢個moment,我知我冇資格返轉頭....

update 12-01-2016:
我諗我會負返應有責任,但呢一刻我需要少少時間忘記A先.我唔想心入面有第二個又同B發展.

過一排我會試返追返B,如果佢仲so我的話.
多謝大家鬧我.

来源：www.discuss.com.hk

[圖擷取自網路，如有疑問請私訊]