表哥疑似被鬼迷後先人上身

:0:0

表哥疑似被鬼迷後先人上身呢個系一個真人真事，情節有D恐怖同嘔心各位睇時請有心理準備呀，Haha... 件事應該6，7年前咖啦，今日特然間諗番起，所以分享下。個表哥系我隔離村慨，有3兄弟，佢最大。個陣佢剛好大學畢業，（算系好威下個只）搵到份好工，系廣州工作。人又孝順，好仔一名。咁我同佢雖然少見面，但見面都岩嘴形，傾到下計慨。事發原因系無啦啦佢唔做嘢返屋企話要休養下，成個人變曬，（個陣農村基本上有咩嘢，D三姑六婆就會講出來）又自言自語，佢媽（我叫佢二媽）覺得佢怪怪地，不過見佢咁大個人，又無問佢。直至有一日，二媽接到佢廣州公司打嚟屋企慨電話，問佢請假咁耐，系迷有咩事？二媽話唔知，以為佢搵緊嘢做。咁公司個個人就好心同佢媽講，留意下佢，佢好似撞邪。二媽緊系追問咩事啦！不過公司個個人話唔知，凈系見佢夜晚話去拍拖，又話遲D會結婚，但怪在又無見到佢有女朋友，又成日怪怪地，先咁講。二媽思前想二媽之後亦即刻搵附近個個神婆去問下，（因為表哥真系好乖的，佢家庭麻麻，一出來工作搵到D錢會將90%以上比二媽，供細佬讀書。而且份工咁好，有咩理由會唔做？）咁問個神婆，個神婆話佢搞唔掂，表哥系比嘢搞，只嘢好猛，著紅衫死慨女鬼。二媽當時梗系又驚又唔信啦，無啦啦去邊度野到姐？咁個神婆話叫佢帶個仔嚟傾下，睇下點先！二媽返去就呃表哥話去拜神，叫表哥車佢一齊去，（因為表哥唔信呢D嘢，唯有呃呃氹氹慨姐）咁去到，個神婆當然客套幾句，問表哥系邊度做嘢呀？有無女朋友呀？....... 之後第二日二媽再去搵個神婆，個神婆話佢真系幫唔到手，只嘢系表哥有日放工唔覺意遇到，唔肯放手呀。咁個神婆就話，依家表面睇無咩嘢，不過遲D唔敢講。二媽梗系驚啦，系咁叫個神婆諗下計，個神婆話無計，一系直接問表哥，去到遇到只嘢慨地方拜下，睇下點。但就要二媽去問，咁二媽又驚喔，就系當晚食飯個陣問表哥仲咩唔去做嘢？表哥就話佢唔想去。二媽問佢仲咩晩晩同人傾電話？電話費便咩！？表哥就話，遲D佢結婚，第日要兩個細佬照顧你地啦。二丈聽到話，你結婚？無錢點結？表哥話：佢結婚唔使錢。二媽聽咗就系咁叫表哥唔好跟只嘢走，要清醒D。之後就系咁喊住話做咩好搞唔搞要搞佢個仔？......（其實都好奇怪，個陣表哥真系好正常下，系自言自語同埋傻笑，無咩特別嘢發生，個神婆又會知有隻紅衣女鬼？！後來先知只嘢無心想害表哥，只系鍾意佢。想同佢一齊。）二媽就話個神婆知道你比鬼搞，你知唔知？表哥居然話知！佢話本身以為佢系人，後來先知系鬼。佢無害過我，我地拍緊拖。二媽就話，你跟佢走，你就會死咖啦！跟住就系咁喊.....表哥又唔出聲，之後又喊埋一份。點知第二日表哥主動去搵個神婆，一齊去廣州xxxx，之後就無事了。之後表哥就去番公司返工。

二媽話，個日去廣州，系只嘢叫表哥拜下佢，佢唔想表哥丟低自己父母，唔想害表哥。亦話以後唔會搵表哥......鬼亦有好鬼呀，唔好個D只系一時諗唔通姐，個人認為而已。。之後事隔大半年，表哥又再返屋企。今次先大獲！一返屋企個人已經粗口橫飛，入廚房拎刀，上山砍柴！邊砍仲話：今次要報仇，殺曬D人！我二媽以為上次單嘢，迷佢返屋企，唔好嚇親人。表哥又好聽話喔，又肯跟二媽返屋企。返到屋企就鬧佢老豆，無x用，叫佢老豆去死！

[圖擷取自網路，如有疑問請私訊]