(有錢佬公廁) 吳若希成功搵到兩個老細雙包養即時有車又有樓揸波子出入

:0:0

sponsored

(有錢佬公廁) 吳若希成功搵到兩個老細雙包養即時有車又有樓揸波子出入八、九十後上樓勵志故事，十個潮文九個假：自己儲 30萬，男朋友俾 300萬喎，咁都信，傻的嗎？不過凡事都有例外， 23歲吳若希就係嗰十分一嘅成功例子喇！打份出名人工奀嘅大台工，出騷價五萬，咁都有得越住越貴、越揸越豪，最新戰績係睇三千萬豪宅揸二百萬波子，而架新入手波子又係另一 uncle名下公司登記，真係要用高八度 200分具吳若希 mode驚叫一聲：「點解既！」點解又係 uncle？點解唔睇得又唔唔得嘅吳若希上位上樓買車極速，仲勵志過啲勵志潮文嘅？sponsored

無論 Benz定波子都係公司登記，公司東主又係年約五十大叔，周一本刊搵到車主、郭姓會計師大叔：「唔係好方便講！」點解次次升呢都係關爸 B、大叔事嘅？點解新嗰架波子又係公司登記東主又係大叔嘅？點解 23歲人仔、出道得嗰五年，變樣變樓變車變得仲快過 Louis變杯麵嘅？覺得吳若希變錢得意過甄澤權變魔術嘅，請舉手！sponsored 圖文嚴重不符成件事最「打耳」就係，吳若希搵幾多有數得計，唱紅《越難越愛》後收入大增，佢亦都親口向記者講過：「唔過 100萬，一半就有，（ 14年）搵咗七十幾萬啦！」至於 15年，年頭照顧踩單車受傷媽媽同忙外婆後事、主打拍劇賺得雞碎咁多大台騷錢、有限時間接商場騷，被指同鄭俊弘打孖上共收二萬五，反而被傳媒影到殺入何文田、跑馬地睇豪宅，出入代步又係名車，上週二就被本刊發現，停緊工嘅 Jinny又有錢換車，座架由 40萬 Benz一跳五倍變 200幾萬波子。其實呢， Jinny唔係識變魔術，係同父輩叔輩特別有緣就真！初入行就離奇出席成龍 60歲生日派對自揭關係非一般，其後同 57歲股壇老手王弼燮傳出緋聞見完家長，又話背後有年過五十馬主「十哥」林棣權送車送樓包養。sponsored 嘴仔甜識叫唱片公司老闆何哲圖做「爸 B」，呢班年紀真係做得 Jinny爸爸嘅大叔亦都真係錫佢錫到親生女一樣，去年自稱自資 40萬買 Benz，等緊新車落地之時，有大叔借出 80萬 Range Rover代步，今次架 200萬波子就係公司登記、公司東主又係年約五十郭志燊，職業係會計師，咁啱同上次部 Benz公司登記東主係同一人。

sponsored 在天后泊低部波子後，吳若希上咗一大廈疑似練歌。

大台最後作品係《實習天使》，結果著制服坐病床又俾人鬧。次次支出與收入不符被質疑都識見招拆招，被指搭上王弼燮即詐傻：「邊個 Jason Wong？我電話簿有好多個 Jason Wong！」被指得十哥厚愛送樓又送車就扮懵：「咩牌子？我連車款都唔知點買呀？冇諗住跑馬地，港島區完全冇諗過！」 Jinny最叻大大聲死口唔認，車主大叔把口就比佢差得遠。週一，在其天后會計師樓下終於等到郭姓車主真身，對住鏡頭郭生話：「唔係好方便講，呢啲係隱私，唔可以咁問我……你哋問錯人。我都係喺報紙雜誌見過佢（吳若希），我係會計師，又結咗婚，你一登我會收百幾個電話！」不過問到郭生 Jinny兩部車都係佢公司登記時，他就笑說：「咁咪好囉！哈哈……證明我多車，你哋咁樣問我真係答你唔到喎！」sponsored

最新緋聞對象，係拍《實習天使》後混熟既五線奀星黃子恆，孤男寡女坐 Jinny架波子赤柱同遊三粒鐘。

sponsored 年初媽媽受傷、外婆病逝，大隻仔溫家偉陪去醫院又幫手湊細佬，大大隻擔得抬得合照就隔開成呎，呢啲咪最啱做觀音兵囉。網上圖片

一度同出名靚仔籃球王子劉子健傳出私下極多互動，直至去年對方傳出露「雀」照被停賽，即劃清界線。

sponsored 經常同吳業坤出雙一對一齊玩一齊食，有傳吳若希 523生日坤哥仲捐出 523蚊俾慈善團體，追女出曬面。網上圖片大叔剎手18歲出道，今年先得 23歲，吳若希個人經歷和交友圈子絕對同實質年齡不符。入行前網傳做過 club女，入行後就不斷同年紀大佢倍幾既大叔傳緋聞，佢又自稱歷任男友至少年長 15歲，同大叔有緣。

sponsored 十哥住宿代步連環跳級，吳若希生活大改善後屢次被傳背後金主係地產富豪、人稱十哥的林棣權。

爸 B星夢老闆何哲圖身為簽女捧女老江湖，一樣俾吳若希句「爸 B」叫到暈曬大浪，成個星煥，錫 Jinny錫到出面。

sponsored 老豆被影到約埋食飯、親密拍頭，吳若希就話戴榮添（ Simon）有份帶自己入行，平時叫佢老豆喎。

同年長 15年前度談婚論嫁卻被母親棒打鴛鴦後，結識 57歲陳淑蘭前男友、昔日股壇神童王弼燮，如果係真，父女戀年齡相差足足 35年。越貴越愛在福建出世長大， 10後移民香港，吳若希話過初到埗被同學恥笑新移民、又要同媽媽、外婆、舅父、細佬逼住 400呎公屋。不過短短幾年知名度同富貴程度幾何增長，睇怕班同學恥笑咗唔係好耐。