我中三開始做地盤，宜家24歲，做判頭月賺12萬。

:0:0

我中三開始做地盤，宜家我24歲，做判頭月賺12萬。我以前啲同學先啱啱開始岀黎做野，成個on9仔咁… 而家見到啲DSE雞係度努力讀書話想入U 我真係笑而不語，我話你聽你入U唔係入神科根本就無用！出到黎我諗份人工仲少過茶餐廳啲洗碗阿姐，仲要受上司氣，又要玩辦工室政治。你或者會話: "有大學學歷上位會易啲。" 你都痴鳩線！學歷呢啲野係你開始做野之後2年已經無用，啲人只係會睇你工作經驗同埋你嘅刷鞋能力而決定比唔比位你上。話說我公司有個Hi Hi刷鞋仔平時又唔做野，但係做咗唔夠一年已經騎係我頭上鞭。所以你要上位根本唔係睇你能力，睇你識唔識做狗。係職場上你做到小夫咁，我敢話你係無敵

但係Hi Auntie ! 係呀！我死都唔係放低我尊嚴呀！我大丈夫頂天立地，絕不為五斗米折腰，加個幾千蚊人工就想我幫你食屎？！我呸！我而家就唔撈去做地盤佬…… 做地盤有咩好處？真係多籮籮！

第一: 你讀建造業課程唔洗比學費不特止仲有每月三千幾蚊津貼唔使好似啲大學生咁讀完4年仲要"咩"住幾廿萬數

第二: 人工高，入職就一千蚊左右一日，你做足30日就有3萬多勞多得。當啲大學生仲"咩"緊數嘅時候, 你已經有一百萬渣手，人生贏家

第三: 地盤佬直腸直肚，唔會笑裡藏刀，比起辦公室啲Hi Hi仔真誠好多，鐘意Hi就Hi, 唔會帶面具做人，同呢啲人翻工，談笑風生，舉杯暢飲，好比回到三國，和豪傑張翼德飲酒咁。何不快活？！

第四: 做地盤好比免費做GYM，鐘意做GYM嘅巴打不妨一試，到時練到好似彭于晏咁大隻，話唔埋可以袐撈埋MODEL TIM ! 所以話，年青人識諗嘅，應該一中學畢業就做地盤佬……

-----------------------------------------------------------

【本報訊】「你識條鐵咩」這句高登潮語，別想拋窒周俊仁（Max），他確實識整鐵。今年大學畢業，同學到企業實習，他落地盤擔鐵、切渠角、搭工字台，20 歲出頭已做外判商，承接政府、市建局工程，去年生意額達250萬元，紋身邊青、師傅大工都跟他搵食。這名90後深信「工字冇出頭」，創業要趁早，「有乜唔掂就重新嚟過」。記者：王家文

訪問當日，Max在上水的工場拿起工具示範燒焊、磨鐵，有板有眼；還擔起兩條10餘呎長方鐵，各重12公斤，來回都沒氣喘。他笑說學師時，每天擔上80條鐵也是等閒。他今年22歲，入行兩年，正在浸會大學念工商管理三年級，大學一年級時經世叔伯介紹入行，由打雜做起，「搬搬抬抬乜都要做」。

■Max學師時常要燒焊、磨鐵。 sponsored 低價工程密食當三番背負大學生之名，落到地盤工作，惹來工人白眼，「睇唔起你，你一個大學生入嚟想爭啲乜？」他說由細到大都不是讀書材料，會考16分，高考以1B1C成績升讀大學，「好彩箒」。

學師未夠一年，Max決定創業，向家人借3萬元，連同積蓄約5萬元開設工程公司。行內慣性把工程判上判，創業初期，他只屬第五判，「壓榨到啱啱夠人工」。曾承接水務署渠角工程，每工1,000元，但師傅人工已900元，「我仲要出工具，冇錢賺。後來自己落手，賺份人工」。他坦言創業太急，蝕足半年。

後來改接公屋生意，又承接市建局工程，酒樓工程也照做，雖然價低，但「密食當三番」，「工程只係2、3萬，但2、3日完成，扣埋人工用料賺8,000蚊」。

做出口碑，Max由五判做到三判，去年生意額250萬元，其中一宗廟宇工程逾百萬元。生意踏上軌道，今年農曆新年才有時間跟家人外遊，但年卅晚收到二判來電，又要趕去解決工程問題，「唔怕蝕底，有乜要即刻整，最後一定唔會被虧待」。最近更承接泥水等工程，邊做邊學。

今年畢業，他坦言大學「沙紙」是一張「入場券」，「就算失業都搵到工」，但始終覺得「工字冇出頭」，也看好建造業前景，「始終要起樓，工程係冇得停，只係大定細」。建造業總工會理事長周聯僑說，建造業正值小陽春，近年多了大學生入行，「有文化入呢行係著數」，尤其扎鐵等工種，只要肯學肯做，不會被人看低，「好快老闆就會起用你，如果有班兄弟撐你，就可以由五判、四判做起」。

[圖擷取自網路，如有疑問請私訊]