跟 Cookies舊路　 As One玩完可愛行性感, 目標打入韓國!!!!!

:0:0

娛樂偵訊跟Cookies舊路 AsOne玩完可愛行性感太陽娛樂旗下女子組合AsOne，早前派了隊長Shin到韓國參加真人騷《Produce101》，雖然於23名止步，但成功提升AsOne的名氣，輸咗比賽都有賺。回港歸隊的Shin，與其他三位成員Nata、Chloe及Kayan改風格行性感，玩櫈跳辣舞，直頭copy當年Cookies條舊路。橋唔怕舊，最緊要受。一百萬投資一二年出道的AsOne，以跳唱 ...
跟 Cookies舊路 As One玩完可愛行性感
太陽娛樂旗下女子組合 As One，早前派了隊長 Shin到韓國參加真人騷《 Produce 101》，雖然於 23名止步，但成功提升 As One的名氣，輸咗比賽都有賺。回港歸隊的 Shin，與其他三位成員 Nata、 Chloe及 Kayan改風格行性感，玩櫈跳辣舞，直頭 copy當年 Cookies條舊路。橋唔怕舊，最緊要受。

一百萬投資
一二年出道的 As One，以跳唱為賣點，成員陣容已先後換過兩次，即將推出的新歌《 Hey Ya》更奉旨行性感。當年黃柏高將走青春可愛路線的 Cookies改裝，變成性感唱《派對動物》，今日捧 As One，一於照辦煮碗。
「 As One一心係走韓風路線，集合可愛、型格在一身。行可愛行咗幾年，係要改變嚇，今次會跳辣舞，俾啲 sex appeal出嚟，唔可以再扮可愛嘞，不過成本上，兩代組合轉性感使費好唔同。 As One今次轉行性感嘅 image、排舞同化妝都係全韓國班底，為咗排隻性感啲嘅舞，飛去韓國住咗成個月，食、住及學費用咗五十萬，另外， MV都係喺嗰邊拍，加埋雜項用咗成百萬，係公司年度大 project之一。」有工作人員說。

《派對動物》 MV

Cookies
Cookies《派對動物》與 As One《 Hey Ya》 MV裡，不約而同玩櫈及騷長腿。

As One
想打入韓國市場
跳舞本身對 As One來講，不是難事， Shin、 Nata、 Chloe及 Kayan目標一致，除了能在香港站穩陣腳外，還想打入韓國的 K Pop市場。「 Shin已經為 As One行咗第一步，之前嘅歌曲《 Candy Ball》都上過韓國的音樂節目度表演，所以新歌《 Hey Ya》亦會喺韓國做 MV首播，亦會被安排上韓國的音樂節目，希望可以韓國同香港兩邊發展。」有工作人員說。