(多圖) 最後中學回憶，人生唯一的Grad Din

:0:0

sponsored 最後中學回憶，人生唯一的Grad Din學校Last Day完咗、公開試又已經考埋，基本上成個中學生涯已經去到盡頭..但嚟到六月尾呢啲日子，其實仲有一個重頭戲未上演，就係學生版嘅Halloween！Grad Din！.每個人都出盡法寶「扮」嘢！實行一個男女大鬥法，睇嚇今晚邊個成為男神、女神，邊個又會唔認得邊個！..對於男仔，謝師宴戰衣例牌成套「老西」放上身，阿媽分分鐘唔知以為你去見工.....「阿仔，你去返工啦？」「阿媽，你咪咁cute啦～」而髮型方面又點少得要Gel Gel佢！平時喺學校都忍得耐，頭髮長少少過眼眉又要叫人剪頭髮，想GEL嚇個死人頭又話標奇立異！sponsored 但到咗今晚，將會有好多「金秀賢」同「周柏豪」頭出現，一於有幾MK得幾MK！.就算平日乖乖仔嘅同學，都會叫朋友幫手「搞亂」自己個頭，一於狂野party！(總有幾個男仔屋企特別多髮泥、定型噴霧，好鍾意幫人整頭)..至於女仔更加唔會輸！揀套晚裝可能係幾個月前已經開始諗定，但分分鍾前幾日都仲未決定！同幾個好姊妹又上網又出街去搵，你又畀嚇意見、我又串嚇你咁.「呢件會唔會著到好肥呀？」「一係你揀黑色呢件囉，睇落會瘦啲」「哇！！！Deep V架喎！」「怕咩呀你個大波妹～哈哈」.

sponsored 跟住隔離啲姊妹就會承機起鬨.「正啦！今晚實個個男仔J你啦～～」「正呀喂！」除咗晚裝之外，仲有鞋啦、頸鏈啦、手袋啦….仲有好多好多配件要裝落個身到.咁都未夠，最期待嘅畫面就係化妝！.相信中學時代，個個都仲係清純學生妹，平時會化妝出街嘅真係極少數而謝師宴正正喺一個藉口比自己「變靚啲」！.點解要標明「變靚啲」？因為唔係個個化完都真係變靚啲… 係班入世未深嘅男仔眼中，始終都係鍾意清純學生妹！好pure好true呀！！！..喺各位搞咗成半日，終於等到夜晚！而天氣咁熱，大家為咗唔想個妝甩，唔知點解都會好似老規矩咁一齊夾錢搭的士～真係未試過咁豪！sponsored .去到會埸，我相信個個人都唔係睇嚇有咩食、個埸靚唔靚而係第一時間搵番班朋友仔、同學仔！不過男仔通常第一句，都係串你.「哇撞鬼你！個頭GEL到咁高嘅haha！」「你都唔差呀！以為你做保鑣ha」

.sponsored 而另一方面，女仔就真係會讚人 (都唔知係咪真..)「哇！你個妝好得呀！」「你條裙都好靚呀～～」但大家都有共同點，講多兩句都費時，已經急不及待攞部手機出嚟！「自拍啦～」「幫我同佢影呀！」.其實成晚你食過乜嘢都可能唔知，因為呢樣絕對唔係重點～你搞咗咁耐、化咁耐妝，都係為咗有一個靚啲嘅自己，去留底一個美好嘅回憶.