【有片】Stephy人肉速遞到台北　王子個friend爆佢哋「好事近」？

Stephy鄧麗欣自從今年7月公開同前棒棒堂成員「王子」邱勝翊嘅「異地姊弟戀」之後，愛得愈來愈高調，不時互相喺網上放閃，最近仲進化至半同居。日前有台灣傳媒拍到Stephy人肉速遞到台北，並入住王子喺台北南港嘅屋企，正式登堂入室了！王子嘅朋友更爆料，話王子同Stephy係以結婚為前提交往！唔係咁快就「好事近」呀嘛？
Cap嚟見我
對比之前同楊丞琳閃閃縮縮咁拍拖﹐王子同Stephy嘅戀情就高調大方得多。王子話：「很輕鬆、很自然，畢竟我們都出道這麼久了。」

9月1日大約下午5點，王子的揸住佢架白色Benz到台北捷運昆陽站，接咗Stephy上車，去到新北市汐止。佢哋先去便利店購物，再會合朋友，進入一間住宅。

原來係去同朋友聚會，王子帶埋女友見自己班friend，睇嚟Stephy已經融入王子嘅朋友圈子。

兩人雖然冇拖手，不過完全零避忌，王子仲出手輕撫女友下巴，sweet爆mon！睇嚟雙方都放低晒偶像包袱喇！

直到當晚9點半左右，Stephy、王子同友人離開住宅，期間王子同朋友嘅囡囡玩得好開心，好有父愛咁樣樣。

同友人分道揚鑣後，當晚接近10點，Stephy同王子返到王子位於南港嘅屋企，成晚都冇出過嚟喇。

自從公開戀情後，二人經常高調放閃。


睇片
Cap by：ETtoday新聞雲、鏡週刊
Stephy IG朋友大清洗　網民：吓！連佢哋都冇得留低？鄧麗欣（Stephy）自從上個月公開同棒棒堂成員邱勝翊（王子）嘅姊弟戀之後，口講就話想低調處理戀情，不過口裡說不，行動卻很誠實，不時喺網上放閃，又互相留言隔空傳情！愛得轟烈嘅Stephy，最近更加轟烈地喺自己嘅IG進行大清洗，一口氣刪除所有follow開嘅account，剩返3個有得留低，分別係自己嘅歌迷會、慈善機構「點滴是生命」，同埋最最最重要嘅——王子！

Stephy經常喺IG分享同朋友聚會嘅合照，不過所謂「有異性，冇人性」，家陣戀愛大過天，朋友們全部冇得留低！

伯樂都冇情講！【黃柏高】Paco可以話係Stephy喺娛樂圈最重要嘅伯樂，雖然已經結束合作關係，不過Stephy依然好敬重佢，見到面必定攬頭攬頸合照，但係相比王子囉喎…連Paco都要行開！

【杜汶澤】Stephy拍攝阿澤執導嘅電影《空手道》之後同佢friend咗，經常飯聚，而且阿澤仲帶挈Stephy首次提名金像獎影后，仲令到佢成功轉型為實力派演員，可以話係事業上其中一個重要嘅人！


早前Stephy仲帶埋王子去見阿澤，十足十「見家長」咁款！阿澤咁重要……一樣冇得留低！

【藍天白雲劇組】除咗《空手道》，《藍天白雲》係Stephy另一套重要嘅轉型作品，佢同導演張經緯、劇組成員關係都好好㗎！不過都係要被刪走！

好姊妹都要Out！有follow開Stephy嘅IG都知，佢見得最密嘅朋友一定係前Cookie成員吳雨霏Kary、楊愛瑾Miki同埋「代言人」歐文詩Angela，不過十幾年好姊妹都唔及幾個月嘅情人重要！Out！



早喺今年5月，王子喺香港站舉行音樂會，Stephy已經帶埋班姊妹去撐場！雖然當時，仲未公開戀情，不過已經好大方咁將合照貼上IG了。

由Stephy一手創立嘅排球隊「LOEY」，都係被out之列。


前度都係眼不見為乾淨啦！前男友方力申、前緋聞情人「小牛」，已成過去式，冇得留低都正常嘅。


終於有得留底除咗男友王子、歌迷會，慈善機構「點滴是生命」都有幸俾Stephy follow，典解嘅？Friend底囉！Stephy成日都參與佢哋活動，仲有幫手做義工，戀愛大過天都不忘做善事，抵讚！


Cap by：鄧麗欣Instagram、杜汶澤Instagram、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁