前大台演員何傲兒北上搵銀　講普通話真係估你唔到

唔少藝人都北上搵銀，話晒人仔都易搵啲，最近何傲兒（Lily）都加入咗呢個行列，決心北上搵銀。
何傲兒喺2007年參選香港小姐，雖然最後都係落選，但因為佢競選時個樣似黎姿而爲人熟悉。佢曾經拍過唔少大台劇集，《畢打自己人》、《宮心計》、《巾幗梟雄之諜血長天》，不過都係做配角多。
Cap嚟見我


何傲兒喺2008年參演處境劇《畢打自己人》飾演千金小姐葉志如一角而為人熟悉，喺2011年另一套處境劇《誰家灶頭無煙火》飾演全定琪一角重新獲得認同。不過何傲兒喺2015年宣布已約滿無線，要離開呢個工作咗7年嘅地方，而《波士早晨》就係佢喺大台最後一套劇。

已經出道咗11年嘅何傲兒最近接拍咗第一套內地劇《歸去來》，飾演凱瑟琳，可能佢係女神，演技又唔差，所以吸引唔少fans關注，Lily聽到都覺得好開心，佢仲話今次同導演合作真係極度開心。


劇中Lily除咗要講廣東話，仲要講普通話，不過Lily同時要講兩種語言，又難唔到佢喎！原來佢練咗好耐，真係落咗一番苦工㗎，所以fans都真係好欣賞佢。

何傲兒(Lily)與周子揚的一段情終於劃上句號，不過兩人互爆是非，周子揚更指被何家每月苛索廿萬生活費。之前Lily同黃智雯出席商場活動，佢表示希望新一年可以搵到真命天子，希望是非遠離自己，又話自己其實都係個普通女仔，男朋友只要真誠、善良同專一就得。

Lily表示上星期已經向周子揚發出律師信，話自己本來都唔想走到呢一步，因為覺得唔係事實唔需要澄清。但對方講得愈來愈過份，Lily認為自己有責任去捍衛家人，最唔開心就係影響到家人。

另外Lily透露自己去年九月正式與周子揚分手，再三強調自己係天主教徒，好多嘢都會守住，似係暗示自己還是處女之身。被問到係咪即係守身如玉？Lily就話︰「守住好多教規。」之後亦表示︰「我份人好專一，分開的原因周生最清楚。我爸爸教我做人要有口德，呢個係我自己修為，細節唔多講，已經交由律師處理。」
Cap by：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁