前華姐冠軍慘被硬撬牆腳　第三者：唔知條女係乜水！

前華姐冠軍慘被女歌手硬撬牆腳，雖然女歌手一直否認，但就被爆出與對方男友撐枱腳，更聲稱「唔知對方女朋友係乜水！」嘩，家陣做第三者都咁串嘅？人地假假地都前華姐冠軍，你話唔識人，講都無人信啦～
最強第三者回應Cap嚟見我
歌手林欣彤日前被爆出同組合「天堂鳥」成員歐鎮源（Tyrese）喺元朗吉野家撐枱腳，被形容為「最強第三者」，硬撬前華姐冠軍余思霆牆腳。

林欣彤於受訪時，疑似有備而黎表示：最強三部曲啊？由於林欣彤今年出咗三首新歌，而頭兩首歌嘅點擊率已經過咗100萬。

林欣彤仲表示可能係因為佢最近首新歌《忍》係講第三者，MV又拍得好，搞到大家睇得太投入啫！
林欣彤仲表示唔會因為緋聞而減少同Tyrese約會，更表示「唔想因為傳聞影響咗做朋友，大家睇娛樂新聞之餘，都聽吓歌啦！」

被問到怕唔怕影響對方之間感情時，林欣彤表示自己唔認識余思霆～
正印回應其實上年前華姐冠軍余思霆已經大方承認同Tyrese拍拖兩年，雖然余思霆口口聲聲話信任男友 Tyrese，不過連日黎都忍唔住喺社交平台吐苦水。
「霆霆：跌倒沒關係，怕的是妳不知道怎樣爬起來。」「用忙碌將時間填滿～Be a better me～」「人一生下就會哭，笑是后來才學會的。所以憂傷是一種低級的本能，而快樂是一種更高級的能力。像監製說的：霆霆妳的招牌是笑容，一定要多笑。憂傷一下下，就得再帶著（着）笑容重新出發！來吧！」
 

前華姐余思霆接受傳媒訪問時苦笑表示「我唔知，不如問番佢哋兩個啦！」
 
「雨過之後總會天晴。」至於問到余思霆有沒有感到男友 Tyrese 一腳踏兩船時？佢再表示：「我唔知，你問佢哋啦！」

問到余思霆是否仍相信男友 Tyrese ？佢就咁講：「信得過嘅，我好亂呀！」Um…媽啊～我都好亂！
CAP圖王個人認為余思霆略勝一籌！
 
 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁