男歌手老蘭一晚食兩條女　巴打：毒L都食到女

:0:0

歌手平時又要養聲，又要顧形象，真係好辛苦㗎，有得去放鬆緊係去玩下㗎啦！王梓軒最近去咗老蘭蒲，仲一晚見兩條女，真係艷福不淺。
王梓軒屋企好有錢，不過佢一直都好踏實做嘢，從來都唔靠父幹。最近王梓軒竟然罕有地現身老蘭，仲要俾人影低佢攬女，今次真係唔知點同緋聞女友石祐珊解釋啦！
Cap嚟見我

王梓軒趁住6月生日，攞正牌約朋友去老蘭夜蒲，着住白裇衫同爛牛仔褲嘅佢，本身約咗一身OL look嘅短裙女，女方着低胸背心，又露胸又露腿，成個戰鬥格，有下場嘅王梓軒，飲完嘢就急急腳送短裙女截的士走。

王梓軒送走咗短裙女，就即刻返老蘭酒店會合大波妹，佢哋吹水嗰時王梓軒仲伸手攬住大波妹條腰，唔講真係以為佢哋係一對。

相信每班friend都會有一個經常俾人無視嘅人。而有時候唔係唔想應你，係你成日做埋地啲on9野，都真係幾令人難俾反應你……而係娛樂圈，經常俾人無視嘅，真係非王梓軒莫屬。話說，之前喺《東張西望》訪問中，一班藝人出席「J2十周年節目巡禮」, 同時又咁啱係梁烈唯正日生日。當記者訪問梁烈唯時，王梓軒係咁隔離講野都無人理，連記者都選擇無視佢，真係慘……

大佬，我俾曬反應,你都唔望下我……

完全成為佈景板你以為咁就冇啦，「無視王」唔係浪得虛名！近期香港電影工作者總會搞春茗，王梓軒無啦啦搵古天樂上台點唱《男朋友》，搞到人地鬼咁尷尬，但又唔可以唔唱，令到古天樂黑面。王梓軒仲要唔知衰，high爆想同佢擊拳，點知比古天樂無視。兄弟啊，你成日做埋地咁on9野，真係好難俾反應你……

其實即使俾人無視，王梓軒份人都幾樂觀下，俾人無視，冷場都若無其事咁，不如幫大家重溫下佢嘅經典事情。

話說，係13年時，「King Jer娛樂台」（facebook）嘅管理人瓊姐笑，話王梓軒係「十隻打不死樂壇小強」，冇一首歌噏得出名，但都可以係九展開演唱會，某啲歌星連開演唱會都難。佢憑一曲《跳火坑》更成為網絡笑柄，生存能力真係無容置疑。

2015年，王梓軒獲得「神算軒」呢個稱號。當時佢係《Big Boys Club》訪問李逸朗。李逸朗諗翻起他曾係北京淪落到做日薪百幾蚊（人民幣）嘅大廈外牆抹玻璃工作。

當時王梓軒竟然答︰「你百幾蚊一日，一個月都有三萬蚊收入呀。」搞笑嘅係節目另一主持人陳國峰同李逸朗都沒發覺有問題。而有網民就截圖恥笑，王梓軒係咪以為一個月有三百多天，仲話跟他學下點儲錢。但唔講唔知，其實王梓軒六歲開始就學心算，至於點解返到黎香港退步左咁多就不得而知。
而且佢喺TVB劇集《華麗轉身》扮汪明荃個仔唐榮，係因濫藥變成白痴，網民就激讚佢演弱智角色真係栩栩如生。不過佢地唔係話佢演技好，而係話角色同佢本人一模一樣，又笑佢個樣本來就似，認真慘。

但唔好以為王梓軒咁無料，其實佢都幾有才華。事關佢係港區全國人大代表、香港藝術發展局主席王英偉之子，喺美國出世。唔單止有背景，又識得拉小提琴同彈鋼琴，精通中英、普通話同日文，身兼歌手、作曲人、演員。

而王梓軒高中時，就讀美國波士頓米爾頓中學，由於表現出色，成為該校二百多年歷史中首位獲舞蹈藝術殊榮嘅華人學生。大學就畢業於美國康乃爾大學，擁有心理學同現代舞雙學位。佢就讀大學期間曾擔任校內一個「Last Call無伴奏合唱團」音樂總監兼編曲同編舞者，帶領樂團喺美國加州、紐約、波士頓、費城等地演出，畢業時獲頒發藝術家年獎。