送生日禮物暗串馮盈盈　麥明詩：「你平時都係XX架啦」

依家選港姐，唔單要美貌與智慧並重，仲要貼地先得！就好似麥明詩同馮盈盈呢兩位港姐冠軍，夠曬貼地，時不時言出驚人，一齊主持《後生仔傾吓偈》，吸引左唔少網民中意。話說今個月10日係盈盈24歲生日，雖然正日過左，但有心思嘅麥明詩就補送禮物，仲要勁啱盈盈嘅性格！
話說6月10日就係馮盈盈24歲生日，除咗有男友同佢sweet sweet 過生日之餘，仲有一班《後生仔傾吓偈》嘅主持同佢切生日蛋糕添。
Cap嚟見我

而尋日麥明詩係facebook Po左兩張相同一條片，原來係佢送左份生日禮物俾馮盈盈，而份禮物都好鬼岩佢，簡直度身訂造咁～

雖然麥明詩送左件T恤作生日禮物，但件T都好有心思，印上「9up」字眼，令到壽生女鬼咁開心！仲自行理解「9up」呢個意思，夠醒～

嗱！唔好諗埋一邊，馮盈盈就話：「意思即係Line Up，叫大家Line Up For Me，啲兵多到Line Up到後面拎簽名同影相。」

麥明詩仲爆盈盈會出招益街坊：「FYY以表謝意，話會『淨係』着住呢件T-shirt喺白雪雪嘅床上面影福利圖派畀大家。」盈盈派福利，唔係唔睇呀～
收到禮物嘅盈盈都好多謝咁有心思嘅麥明詩！仲話遲下等佢生日，會送大禮俾佢！

至於份大禮係咩？佢就話到時係佢生日時，介紹個醫生男仔俾佢，擺明益佢咁話～而且仲話個男仔單身又靚仔，做醫生之餘仲要係大家族傳人，鑽石王老五嚟。（係真唔係真係到時先知啦⋯⋯）



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁