馮盈盈麥明詩教後生仔短有短玩　「唔好問入咗未？要講存咗款未」

《後生仔傾吓偈》話題一向踩界，不過咁又點，有收視就得啦～特別係兩位港姐主持人馮盈盈同麥明詩，可以話係節目嘅靈魂！繼早前大談「人生的第一次」濕晒同「旅行地獄黑仔王」滴水之後，今次兩位港姐就大談長短同粗幼，表示「長有長玩，短有短玩」！係咪癲㗎～
「長有長玩，短有短玩」Cap嚟見我
身為港姐冠軍嘅馮盈盈成日都亂up 24，同一般港姐形象完全唔同，或者受到感染，同樣身為港姐冠軍嘅麥明詩亦開始愈放愈開，大談踩界話題！不過，最主要都係因為好多巴打都buy佢地，先話去到咁盡啫！

節目講到，如果放棄年輕嘅自己，換取成為富豪擁有千億身家，N個女伴，不過性能力差，甚至器官變得短小等等，仲願唔願意交換！
點知港姐冠軍馮盈盈舉晒大母指咁表示「長有長玩，短有短玩」！睇黎馮盈盈玩過唔少，係老手黎！

同樣身為港姐冠軍嘅麥明詩未知係咪受到感染，竟然補多句：「你短，唔係你唔舒服吖嘛！係對方唔舒服之嘛，有乜所謂啫！」嘩～麥明詩似乎曾經身受其害喎。
呢個話題似乎挑起麥明詩條癮，爆出句：「正啊！正啊！我Feel到啊！」睇黎佢真係好Dry！

陸浩都未驚嚇完之際，馮盈盈又爆：「千祈唔好問，入咗未啊？」睇黎戰鬥經驗十足嘅馮盈盈，試過短嘢！
真係隔住個mon都戥陸浩慘！

後生仔傾吓偈：你願唔願意交換人生？
#後生仔傾吓偈：你願唔願意交換人生？世界從來唔完美，假如你勁有錢、超多女，但係短小空虛、頭髮稀疏，咁嘅人生，你制唔制先？#麥明詩 #馮盈盈 #陸浩明 #交換人生
Posted by TVB on Thursday, 12 July 2018
「人生的第一次」
馮盈盈初戀係19歲，當時而家個男朋友都仲未係男朋友，佢口窒窒咁講返第一次約會嘅情況：「我個時成晚都好緊張，雖然表示面扮到好平靜，但個心已經完全亂左，然後勁多手汗。點知佢無啦啦拖住我隻手，個下我真係想死…」



佢仲自爆第一次約會就拖手然後就一齊咗，快到呢..馮盈盈就解釋：「我地係識左好耐架啦…」不過麥明詩就一句串爆：「總之我就係聽到你係咁濕啦…」

「旅行地獄黑仔王」原本就係講緊旅行黑仔事，呢為白衫叫Danny 嘅就爆自己旅行黑仔事，係有次去韓國試過有個位敏感到滴水。

成班人嚇到大叫「邊個位啊？」
靚女主持都笑到失晒儀態啊～(雖然本身都無乜)

Danny就解釋係病到皮膚滴水？！ (有人就串佢係咪鼻敏感所以滴水咋)
佢就話係關節位皮膚敏感而滴水～

點知，馮盈盈突然驚爆自己身體有個部位都會滴水！又黎料？！
真係嚇到今次連主持人陸浩都頂唔順！鄺潔楹直頭O晒！

陸浩叫馮盈盈嗱嗱聲澄清究竟邊個位滴水！
麥明詩就搶閘話：「對住個心儀嘅男仔就會有呢個情況出現！」嘩！莫非麥明詩都試過滴水？

馮盈盈就解釋話，原來佢講緊佢大脾內側有個濕疹位！
當敏感果陣，就會滲水，多起上黎會搞到條牛仔褲都滲水！

相信好友麥明詩心入面一定係想問：呢條女係咪痴線～？
Capby：Youtube、Facebook-TVB

 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁