細女王麗嘉晒身材玩半裸　王敏德眼火爆：今次連Bra都唔戴？！

:0:0

嗰頭仲係圍住爸媽團團轉，呢頭已經牛高馬大戀愛大晒、喜愛夜蒲。時間去哪兒了？相信王敏德同天下爸爸一樣都問緊同一個問題。同名模老婆馬詩慧結婚26年，眨吓眼三個兒女王曼喜、王麗嘉、王躍穎已經分別25、24同18歲。大女曼喜早年出櫃宣布只愛女人，細仔躍穎大個仔晚晚愛蒲，仲有一個立志入行做model嘅細女麗嘉有鋪晒好波癮，社交網絡全天候派福利晒好波，日日唔係床邊就泳池邊，張張相都性感野性。
馬詩慧同囡囡鬥身材Cap嚟見我
馬詩慧和王敏德近日連同三個兒女王曼喜、王麗嘉和王躍穎，全家一起到泰國布吉島旅行，而馬詩慧更與兩位囡囡齊齊鬥晒泳裝照，讓網民大飽眼福。

身為名模的馬詩慧身材正就不必多說，她兩位囡囡亦盡得她的真傳，身材火辣兼且愛在鏡頭前表現自己。

難得一家人去旅行，三位美女當然要盡情享受陽光與海灘，曬日光兼騷身材。人母馬詩慧先以黑色連身泳衣亮相晒長腿，然後再換比堅尼，大騷fit爆身型，獲不少網民激讚她是美魔女。

Kayla和Irisa亦不輸蝕，各自晒出泳裝照。

王麗嘉火辣半裸而細妹Irisa就較為勁爆，晒出一幅半裸上身的火辣靚相，僅用雙手遮胸，小麥色靚背一覽無遺。

向來愛騷驕人上圍的Irisa不止晒背，更分享了一段高炒set頭的片段，狂晒深長事業線，看得網民熱血沸騰！

大女出櫃、細仔愛蒲，開明老竇王敏德都可以通融，唯獨遠在美國留學細女叫極都唔肯著多塊布，老竇眼火爆冇晒符只能隔空留言抗議！

王敏德忍唔住抗議王家仔女初長成，仲遺傳晒父母型男同超模最強基因，個個顏值高又身材好。尤其係24歲細女王麗嘉，更加青出於藍上圍偉大過媽媽家姐幾個cup，亦都從不吝嗇在個人社交網絡展示好身材。去年夏天，王麗嘉在IG上載美國留學生活照，坐在開篷車上由友人揸機擺出享受微風隨意pose，不過唔知係隨意過頭定身材太好買錯碼，上衣移位南半球外露，嚇到爸爸王敏德都忍唔住留言抗議：「你件上衣做乜事！」即使爸爸眼火爆有幾不滿都好，女兒一年來還變本加厲。

去年囡囡第一次露半球，王敏德遙距留言「what’s up with your top」，隔住個mon都feel到老竇極之不滿。

要求女兒收起性感次次當耳邊風，連王敏德兩公婆好友都在Irisa個人ig留言幫口教女：「除咗啲性感相，你啲po你爸爸張張都鍾意！」

洋名Irisa的王麗嘉5呎11吋高又有34D豐滿上圍，唔理老竇王敏德多次投訴，變本加厲喺個人IG狂po性感照，愈話愈生事。
王敏德在新劇《飛虎之潛行極戰》繼續型爆登場，鏡頭前硬淨的他，對住兩個女卻無力招架。

月初Irisa滿24歲，王敏德連日上載囡囡幼兒時可愛照片祝生日快樂，潛台詞明顯係感慨女大女世界，回不去了。
Irisa性感相不少由男友揸機，床邊、早餐桌和健身室都見二人形影不離疑似同居，王敏德表示見過三個仔女另一半，還試過八個人一齊訂枱食飯。

Irisa與外籍男友拍拖多年，媽媽Janet亦對之讚口不絕：「個男仔好乖，對女兒有正面影響，會鞭策佢做到最好，佢哋一齊Irisa成績都好咗。」

精叻老婆唔做醜人近日頻頻曝光為新劇《飛虎之潛行極戰》宣傳，史上最型飛虎王敏德對細女豪放作風亦自認old school睇唔慣，又話要等囡囡從美國回港放暑假時就性感議題開家庭會議。老竇護女心切，遙距留言、電召回港不果，亦求救老婆馬詩慧出面管教，可惜一代模媽Janet接受能力高過一般媽媽多多聲：「老公表面係鬼佬，內裡係傳統中國人，好保守。有時會同我呻啲女太性感，叫我去話啲女，有咩就賴我，佢好精，自己唔出聲就等我做醜人。我覺得露得靚係一回事，有啲猥瑣，露得唔靚我會第一時間叫佢唔好影，我都曾經講過唔趁依家騷，等到跌到落肚先嚟騷咩？」明顯只得王敏德孤軍作戰，反對無效。