獎門人帶隊睇波團員冇膽見人　大台藝人睇世界盃慘過做賊

世界盃進入決賽階段喇！由獎門人曾志偉率領嘅明星足球隊，同埋一大班藝人朋友，今日隨ViuTV出發，去俄羅斯觀看季軍賽「英格蘭對比利時」，同埋冠軍賽「法國對克羅地亞」，團員包括：羅家英、汪明荃、許志安、劉浩龍、梁漢文、李子雄、張兆輝、馬海倫、孫耀威、吳國敬、衛志豪等。咦，呢堆人有唔少係大台藝人喎！典解夠膽同ViuTV一齊去睇波咁得意嘅？方丈份人……

Cap嚟見我
睇波要緊，飯碗都要緊，打和啦Super！大台藝人又點會唔明呢個道理呢？所以當ViuTV拉banner出嚟影大合照嘅時候，同大台有藝員合約嘅阿姐汪明荃、馬海倫，同邵氏有合約嘅張兆輝都要醒目避席，加上唔貼ViuTV紙，方丈份人……冇事嘅！
明星足球隊 & Friends大合照，齊腳！

ViuTV大合約，數下唔見咗幾多個？睇波啫，洗唔洗咁L驚呀？走鬼定做賊呀？打和啦Super！
同大台冇合約嘅杜德…係許志安，同埋家英哥，係有貼ViuTV貼紙，中間嘅阿姐，身為大台台柱，當然乜都冇貼啦！

「師兄」劉浩龍唔係大台人，有貼紙嘅。
家英哥強調阿姐係以「羅太」身份出席喎！

阿姐真係阿姐，夠膽喺FB公開自己嘅行蹤，洗乜驚大台？不過佢都好識做，講明係同「明星足球隊」去睇波啫！
早前世界盃四強賽事「英格蘭對克羅地亞」，奬門人曾志偉破天荒亮相ViuTV做嘉賓，並駛出金句：「打和啦！」唔知有冇嚇死大台班膠層呢？

昔日嘅奬門人曾志偉、奬老林曉峰齊齊出現喺ViuTV。

Cap by：ViuTV、Im Promotion Facebook、汪明荃Facebook


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁