[有片]馮盈盈王卓淇跳「LIKEY」　Lilian Kan著美戰水手服上陣

靚女跳舞，著少啲布，露多啲腿露多啲腰，邊個唔鍾意睇？樣靚身材正的設計師女神Lilian Kan(簡幗儀) 最近迷上空中呼拉圈舞，仲著埋件性感美少女戰士水手服上陣，轉轉轉睇到大家暈陀陀！而劇集《果欄中的江湖大嫂》兩位靚女馮盈盈及王卓淇原來都好跳得，跳韓國女團舞齊晒美腿，之後仲有「游生」袁文傑等人亂入！
簡幗儀Lilian愛運動Cap嚟見我
網絡紅人簡幗儀（Lilian Kan）出名身材火辣、前凸後翹，當然有賴平常勤力健身keep fit！而Lilian去健身時，不時都會開live或者拍片同粉絲交流心得，不過大家個焦點都會落咗去佢衣著度… 因為實在太太太吸睛！
「Sailor Moon」水手服跳舞不過Lilian原來唔止跑步、玩健身，近來更迷上了另一種運動空中呼拉圈舞( Aerial hoop)，片中見到Lilian為配合番個月亮型呼拉圈，換上一身美少女戰士「Sailor Moon」水手服，轉轉轉360度俾大家欣賞，大晒美好身段，正呀喂！


即刻睇片跟住Lilian轉轉轉：

終於有機會襯番～#sailormoon
Posted by Lilian Kan on Tuesday, 3 April 2018
馮盈盈王卓淇跳韓舞之後講到另外兩位靚女，首先係《果欄中的江湖大嫂》馮盈盈，佢喺劇中飾演酒吧話事人小狼女，經常都係濃妝豔抹，露腰又晒腿，造型MK味十足！
 
首次拍劇獲讚馮盈盈出道以來俾人印象都係貼地、敢言、夠真，係個典型港女， 不少觀眾覺得佢喺劇中好似做返自己一樣，認為冇人比盈盈更適合小狼女的角色。作為新晉演員，盈盈唔似佢啲港姐前輩瘋狂被批，甚至獲得讚賞，真係個好開始！
跳舞晒腿賣萌雖然劇集就快大結局，不過馮盈盈同王卓淇仍然落力宣傳，日前王卓淇上載了一條跳舞短片，片中見到佢同盈盈一齊跳韓國女團TWICE的〈LIKEY〉，兩位靚女一個著短裙仔一個著短褲仔，大騷白滑美腿！兩人動作好合拍，非常有動感，仲會扮可愛賣萌，網民當然睇得開心啦！


游生亂入爆笑片段後半部分就有《果欄》另外幾位演員江嘉敏、袁文傑、吳家樂及許家傑加入，不過基本上除了王卓淇企中間好落力咁跳外，其他人都係frestyle亂咁跳。其中平時霸氣十足的「游生」袁文傑喺鏡頭前郁身郁勢，仲不停做出〈LIKEY〉的招牌L字手勢，估唔到佢跳舞咁滑稽！

即刻去片：

卓淇仔約埋 #果欄中的江湖大嫂 之 #果欄舞王 狂跳#TWICE 的 #LIKEY


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁