36D奀星放料搏上位？　唐文龍咁樣回應……

唐文龍靚仔又大隻、高學歷人品好，條件超班但形影隻單亦都一段日子，啲人仲懷疑佢hehe！但原來男神唔係冇拖拍，只係一向保密功夫做足，舊年回流香港拍《溏心風暴3》結識無綫小花黃文意，兩個月貨仔戀情卻因為近日有人「無意」外洩親密照而曝光。疑似被出賣，唐文龍難得繼續保持風度… 睇佢點回應！
早前已經大結局的台慶劇《溏心風暴3》其實口碑一般，唯獨唐文龍同陳敏之呢一對夠晒話題性！兩人在《溏心3》中有多場火辣床戰，火速在Facebook洗版，闊別無綫11年的唐文龍隨即成為風雲人物！
Cap嚟見我

唐文龍的爆紅程度絕對唔講得笑，早前被拍得佢出席活動後去銅鑼灣行街，僅停留幾分鐘已經引起人潮，個個爭住埋去同佢影相。群情愈來愈洶湧，唐文龍好快就畀廿幾三十人圍住，唔講仲以為佢做緊活動！

唐文龍相隔多年後終於有拖拍啦，日前突然流出去年11月與無綫奀星黃文意結伴遊大佛頭貼頭親密相，報導直指有人當日一時「大意」將私相貼上社交網絡，雖然幾分鐘後已刪除，卻被某報及時cap圖大肆報道。
據知唐文龍去年回港拍劇，在朋友聚會上與黃文意結識，年紀相差23年，兩人撻著得快，散得仲快，一齊只係兩個月，舊年聖誕前已經正式分手。

既然已經兩個幾月冇聯絡，突然舊年11月唐文龍生日一齊出街的相片流出，似乎就係有人諗住反正分咗手，唔使介意對方諗法，想趁住唐文龍人氣急升幫補吓自己知名度？
對於疑似被人當踏腳石，唐文龍回應時就話：「我唔想咁樣猜度別人，黃文意係一個好女仔，好有智慧英文又好，所以我哋好好傾，大家係正常朋友，有約過食飯所以被人影到。(拍拖兩個月分手？)冇話拍拖，又何來分手？總之我現階段唔係擇緊偶，事業為重！」明晒啦！！！！

 
膠通消息來源：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁