今井夢露唔做女優想從良　決心參加下屆北京冬奧

2018年冬季奧林匹克運動會正喺南韓平昌進行中，唔少選手突然成為風雲人物，好似日本花式滑冰選手羽生結弦等等。而喺日本，竟然有一位AV女優今井夢露因為冬奧而被網民熱烈討論，原因係佢做女優之前其實係全國滑雪冠軍，近日佢重返滑雪賽場，喺比賽中大勝，決意四年後參加喺北京舉行嘅冬奧！
呢位今井夢露今年30歲，原來佢12歲起已經係職業滑雪板選手，14歲已經係全國冠軍，2006年代表日本赴都靈參加冬奧。可惜佢喺預賽就跌倒被淘汰，由日本獎牌希望變成千夫所指，之後開始自暴自棄嘅人生，下海做陪酒女郎、從事援交、又有過兩次短暫婚姻，有傳佢流產和墮胎。
Cap嚟見我

今井夢露又透露曾經覺得自己唔靚，所以多次整容，所以每隔一排個樣都會有啲唔同，佢自爆用喺整容上嘅金錢多達300萬日圓（20多萬港元）。

私生活混亂到不得了嘅今井夢露，最後喺2017年加入AV界，加入AV片商「Muteki」做三上悠亞師妹，出道作品叫《snow drop》，讓自己嘅運動生涯作為AV嘅賣點。

不過今井夢露原來已經有半年冇參與AV工作，近日悄悄重返滑雪賽場，參加咗第35屆全日本滑雪錦標賽。佢因為事務太忙而只用咗四日時間訓練，點知喺比賽中以90.75分大勝，拋離第2位選手至少14分，果然厲害！今井就話唔想再參與色情有關嘅工作，要回到滑雪嘅世界，希望能參加下一屆2022年嘅北京冬奧！

膠通消息來源：HK01、Apple Daily


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁