陳豪大手筆送禮物俾老婆 網民：全港最幸福人妻
一時話男女授受不親、身為男人要畀身邊女人一個交代，一時又話老婆放棄事業為自己生咗三個仔女，一世欠咗呢個女人，如果話陳豪係全港最佳人夫，咁陳茵媺就一定係全港最幸福人妻。啱啱過咗的愚人節係陳茵媺37歲生日，呢對模範夫妻就放低三個仔女，提早飛去意大利慶祝生日兼過難得嘅二人世界，陳茵媺仲收到老公陳豪送嘅限量版Hermès手袋做生日禮物！陳茵媺：多謝babyCap嚟見我
陳豪同陳茵媺兩公婆周遊意大利過後，在生日前夕終於回港，又展開一連串慶祝切餅活動，好忙吓喎！Aimee生日前一日po相拎住Hermès限量版Constance包包一個，留言寫住份禮物係「from Italy」，仲寫住「thank you baby」，呢個baby當然係講緊佢老公陳豪啦。又Hermès又限量，你估幾多銀？之唔係超過12萬港元囉！
兩公婆一連多日周遊羅馬各處名勝，去到邊都好似小情侶一樣面貼面影番張合照，好晒呀！
好sweet sweet，知道老婆湊仔女湊得辛苦，陳豪特登在Aimee生日前夕帶老婆二人世界遊咗轉意大利。
出錢出力為老婆炮製生日trip，陳豪仲做埋攝影師，摛高趴低為老婆在古跡前影張靚相。講明限量，唔係有錢就買到，炒價高達30萬港元，咁都畀Aimee搵到心頭好，最開心當然仲要係老公送啦。其實專一、保守、有擔帶已經好男人到一個點，仲要捨得喺老婆身上使錢，呢啲男人去邊度搵？
同老公陳豪放低三個仔女去意大利預祝生日，難得份大手筆生日禮物Aimee收埋成個星期，等到生日前一日至攞出嚟晒。
生日正日，又有party開，一屋汽球仲有大紮花，疑似又係老公陳豪製造驚嘉。
有袋收，又有花收。不過紮花係「小男友」大仔Aiden送。
收完12萬真Hermès，Aimee又在好友劉倩婷手上收到訂製嘅Hermès手袋蛋糕，睇得出Aimee真係好鍾意呢個牌子！
Cap by：東方新地、陳茵媺IG
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
頭條膠
