【那些年】曾一起唱錯的歌詞　要攻要守，不顫抖，路仍必須走！

曾一起唱錯的歌詞想當年個個放假都會去唱K，連Book房都要提前幾日Book，仲未計旺場時段，真係要搶果隻。而去得唱K 嘅，又點止識一、兩首飲歌，就連卡通歌都唱埋，皆因果陣連卡通歌都鬼咁Hit！但老實講，大部份人背書都無咁叻，有時唱唱吓，唔記得歌詞，啲字又睇唔切果陣，有人就會用呢啲方法，打算蒙混過關！但偏偏又好好笑。
Cap嚟見我
數碼暴龍3 – 林峯原曲：要攻要守，不顫抖，路仍必須走。

唱錯：要攻要守，不顫抖，「露營」必須「酒」。其實露營飲酒係好合理！
愛你變成恨你 – 吳雨霏原曲：不能懷念愛惜，不如懷恨更激，恨人亦要花氣力。

唱錯：不能懷念愛惜，不如懷恨更激，「杏仁」亦要花氣力。其實，恨一個人都會餓嘅，唔食飯，食少少杏仁補充吓，都好合理啫。
睡公主 – 鄧紫棋原曲：沉睡中的主角怎會怕寂寞，童話中的主角一百年躺臥。

唱錯：沉睡中的主角怎會怕寂寞，童話中的主角一百年「肚餓」。喂啊！沉睡咗一百年無食嘢啊，就算係童話中的主角都會肚餓啦。
櫻花樹下 – 張敬軒原曲：如有天置地門外，乘電車跨過大海。

唱錯：如有天置地門外，「成碟青瓜過大海」。喂啊！幫唔到你喇真係！
Bad – 方大同原曲：Come On . Lay it on me.  All right

唱錯：Come On .「你老味」.  All right 。藉著歌詞說粗口？
重新長大 – 許廷鏗原曲：曾犯錯、曾越界、曾被中傷與被踩，鼻毛下放大。

唱錯：曾犯錯、曾越界、曾被中傷與被踩，「被無限放大」  你懂的！
Hey Boy – 黃宗澤原曲：樣樣做到，不必一次做到，Please don’t go Johnny！

事實：樣樣做到，不必一次做到，「He’s ON9 仔」。嗱！唔信自己聽多10次！
邁向夢想的天空 – 吳卓羲 吳浩康 關智斌原曲：Oh Can You Feel，Our Sweat and tears。

唱錯：Oh Can You Feel，Our 「Spaghetti」。臨時歌手都係歌手，唱得唔好飯都無得你食！(食意粉啦)
你瞞我瞞 – 陳柏宇原曲：用你指尖纏我，用熱吻逃避我。

唱錯：用你指尖纏我，用「葉問」逃避我。er..呢兩個字升返半度吖…唔該！

Capby：100%憤怒鳥、Ants Public


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁