要用放大鏡先見到個餡！網民買火腿牛角包中伏

:0:0

正所謂「圖片只供參考」，相信有唔少消費者都曾經誤信圖片而買咗伏嘢。今次就有網民喺連登以「啱啱食左個麵包店既（嘅）火腿牛角包，師父刀功同手勢都係世界級」為題開帖，仲上載咗幾張火腿牛角包嘅相，如果唔細心啲睇真係搵唔到塊火腿喺邊！
網民買火腿牛角包中伏Cap嚟見我
日前有網民喺連登開帖，上載咗兩張已經咬開一半嘅火腿牛角包相，樓主就話：「買嘅時候如果唔係寫明火腿牛角包，我會以為係搓麵粉時唔覺意跌左（咗）塊火腿碎落去。」就咁睇，真係要落足眼力先見到塊火腿……碎。

樓主隨即再Po另一張火腿牛角包嘅相：「陰公豬我仲要買咗兩個，乜而家求其加塊碎落去已經當有火腿喺入面？」

樓主表示火腿牛角包$18一袋（四個裝）其他網民就話個包又真係有火腿喺入面，鋪頭又錯唔晒。

呢位網民好樂觀！呢位網民就話幾年前食過呢間鋪頭嘅蛋糕，外觀吸引但係味道就……

延伸閱讀：網民鬧爆沙律腿治「裝假狗」有網民幫襯葵興一間工廈小食店，買咗份沙律火腿三文治，點知食咗啖發覺唔對路！樓主嬲爆將張相放上Facebook群組，留言話：「今早在公司樓下買了份沙律腿治，咬一啖已覺得唔對，打開一睇，藝術的表現，葵興_ _大廈條巷仔，大家去開記得去睇藝術品。」

「藝術三文治」介紹番原來樓主將沙律火腿三文治打開，三文治入面塊火腿只有一小截，仲要切成一小條，而沙律醬只係塗咗麵包嘅三分之一。樓主稱呢間店為「良心舖」，仲話啲三文治係「藝術三文治」，叫大家去睇「藝術品」！

唔少網民都鬧爆食店：「好過份」、「離晒譜」，有網友食花生話：「好夠食」、「火腿無益嘛，食少啲健康啲」、「咁好心機切條，呢啲直頭良心企業喇」。

小食店店主原來有苦衷…據知小食店店主話做係有原因的！佢哋話咁做係想降低成本：「有食客反映話想平啲，寧願唔要咁多餡，我哋壓低成本，做到20蚊兩份，朝早食完晏晝再食，平返少少畀街坊！」其實店主係為客人著想，細心聆聽客人意見後作出改善！

Cap by：新假期
鞋舖當人傻仔輕鐵站P圖扮日本　網民：山手線變「山寨線」連鎖鞋店Union喺今個月初出咗個post，其中一張相係一個著住秋裝嘅女model企喺車站，一張咁平凡嘅相，個post零反應冇人理都好正常，不過喺大約兩星期後，有網民突然「開心大發現」，發現車站站牌雖然寫住「山手線」，不過個車站就係由輕鐵站假扮嘅，就係咁，呢個post就喺一夜之間「被回帶」瘋傳喇！
原post出咗近兩星期突然被網民「回帶」。