三年前買入二手《小王子》今發現31年前動人手寫訊息

:0:0

以前嘅年代唔似而家有社交媒體以作通訊，如果想將訊息話畀其他人知，最普遍嘅方法就係寫信。日前有網民喺連登以「三年前喺台灣買咗本二手小王子，今日先發現入面三十年前嘅訊息」為題，原來書中蘊藏住一段三十幾年前嘅訊息，近日終於被樓主揭開。
撰文：Evita | 圖片：連登討論區
Cap嚟見我
二手《小王子》內藏31年前手寫訊息日前有網民喺連登發文，內容係話3年幾前用35蚊台幣，喺台北一個二手書攤買咗本《小王子》。

呢位網民近日發現書中有一封信係由一位署名「富」嘅人寫畀「麗卿」，內容大概係話「富」將自己好鍾意嘅《小王子》送畀「麗卿」，希望可以同「麗卿」分享書中深入淺出嘅人生哲理同真摰。更指希望「麗卿」都鍾意呢本中英對照嘅世界名著，仲話呢本係一本可以睇一世嘅好書！

日期係民國77年，姐係1988年所寫樓主就話唔知而家呢兩個人係咩關係，過咗三十幾年後而家又過成點，隨即又發多一張相，並話：「本書有86頁，上手應該淨係睇到第26頁。」

有網民就留言叫樓主將呢兩張相擺上Facebook睇下搵唔搵到當事人。

網民大讚「富」手字好靚，而且此舉動雖然老土但係動人！

不過呢位網民就有另一個睇法，成個感覺由浪漫變咗sad sad豬。

Cap by：新假期
其他膠文：網友：又係呢四個字！ TVB御用填詞人已詞窮?有聽過TVB 劇集主題曲的人，都不難發現歌曲旋律同歌詞都非常上腦，只要聽幾次就可以跟著唱，然而早前就有眼利的網友發現，主題曲歌詞內必定有「物轉星飛」這四個字，究竟是御用填詞人張美賢精心安排，抑或是她已詞窮呢？
撰文：東方新地｜圖片：YouTube截圖｜編輯：異種火星人（原文刊於東方新地）
網友：又係呢四個字！TVB御用填詞人已詞窮?TVB劇集主題曲大多數都係由張美賢作詞，唔知你又有無留意到，近來TVB洗腦主題曲總係重複出現「物轉星飛」呢4個字！
1.《那年花開月正圓》主題曲《你在我心間》吳若希呢首歌就有「物轉星飛」呢4個字喇！歌曲《你在我心間》中有一句「物轉星飛你也在我心間」。

2. 《宮心計2深宮計》主題曲《無悔無愧》胡定欣又有「物轉星飛」啊！佢為《宮心計2深宮計》唱的主題曲《無悔無愧》中有一句「無人可比氣勢看盡物轉星飛交替」。

3. 《再創世紀》片尾曲《只想和你再一起》菊梓喬為《再創世紀》演唱的片尾曲《只想和你再一起》中有一句「物轉星飛只想與你再一起」。

張美賢不論以前正視音樂時期，定係到現在星夢娛樂，都一直有幫TVB填詞。但短短一年中，張美賢竟然3首歌中同樣用咗「物轉星飛」4字，睇怕可能係諗唔到用其他詞語，詞窮了？定係因為有太多歌要出呢？不過張美賢從1991年就開始填詞，曾經幫呂方、周慧敏和彭羚等歌手填詞，的確填過唔少好出色嘅歌，只係近年填多咗tvb劇集主題曲。例如佢幫劇集《武則天》填嘅片尾曲《眼淚的秘密》都好配合到劇集內容。