7個拎最多獎嘅港姐冠軍　估唔到Jigsaw都有5個獎…

2018香港小姐競選就嚟舉行，雖然大台就縮晒水喺香港拍外景，不過今屆啲候選港姐又真係唔差嘅。不過講起港姐，唔講唔知之前嘅歷屆冠軍拎過好多獎，就連jigsaw代表嘅陳凱琳都拎過5個獎，一齊嚟睇下歷屆拎過最多獎嘅港姐。
四料港姐冠軍Cap嚟見我
1. 朱晨麗身為大台力捧花旦之一嘅朱晨麗（朱朱），2017至2018年就參演過5套劇《味想天開》、《超時空男臣》、《平安谷之詭谷傳說》、《棟仁的時光》、《特技人》，做第一、二女主角，唔講唔知原來佢出道以嚟多數都擔正做女二、女三，大台喺佢身上都花咗唔少心機。


參選2011年香港小姐競選嘅朱朱，參選時已經俾網民封為「翻版陳法拉」，其後更以大熱姿態奪冠，仲拎咗「最受歡迎大獎」、「時尚目光獎」、「歡樂大使獎」，成為四料港姐冠軍。


2. 徐子珊參選2004年港姐競選嘅徐子珊（Kate），卸任後主力拍攝多套電視劇，包括《女人唔易做》、《溏心風暴之家好月圓》、《潛行狙擊》等，仲喺多屆《萬千星輝頒獎典禮》獲提名最佳女主角，以及最佳女配角等多個獎項，演技真係不容忽視。


Kate除咗喺2004年香港小姐競選奪冠，仲拎咗「修身美態獎」、「最上鏡小姐」及「國際親善小姐」。


3. 郭羨妮郭羨妮（Sonija）接拍過多套大台重頭劇，包括《尋秦記》、《古靈精探B》、《學警出更》、《情越雙白線》等，喺2015年接拍完最後一套電視劇《無雙譜》之後，因約滿而離開大台，結束16年賓主關係。


1999年Sonija參加香港小姐競選，以大熱姿態獲得冠軍、「最上鏡小姐」、「國際親善小姐」和「千禧才智小姐」。Sonija先後同多名男藝人傳緋聞，包括古天樂、馬德鐘、陶大宇等。2011年同朱少傑低調成婚，誕下一女。


4. 林敏俐林敏俐（Tiffany）只係參演咗大台兩套劇集《美麗在望》同《追魂交易》，其後就返美國完成餘下大學課程。

Tiffany參與2002年度香港小姐競選，最後勇奪冠軍、「國際親善小姐」、「新世代美態小姐」同「最受傳媒歡迎獎」。

五料港姐冠軍5. 陳凱琳陳凱琳（Grace)幾年內就擔正做女一，包括《張保仔》、《平安谷之詭谷傳說》、《翻生武林》等，雖然有網民覺得Grace啲戲好屎，不過近呢兩年拍嘅《平安谷之詭谷傳說》同《飛虎之潛行極戰》戲路好似好咗。


Grace雖然俾網民稱呼佢似jigsaw，不過佢參選2013年度香港小姐競選時，奪得冠軍、「旅遊大使獎」、「現場最受歡迎佳麗」、「最受傳媒歡迎獎」同「最上鏡小姐」，成為五料港姐冠軍，真係夠晒威。有傳Grace今年會同鄭嘉穎拉埋天窗，仲有埋BB添，真係恭喜晒！

 

6. 曹敏莉曹敏莉（Mandy）曾參演多套電視劇，包括《蓋世孖寶》、《亂世佳人》、《絕代商驕》等，擔正做女二、女三。2010年同大台約滿，同年亦同張家傑結婚，育有兩子一女。

2003年參加香港小姐競選，Mandy最後獲得冠軍、「國際親善小姐」、「鑽石肌膚獎」、「芙蓉美態獎」同「完美組合獎（百變伊人組）」，成為「5料冠軍」。

七料港姐冠軍7. 楊思琦楊思琦（思琦妹）參演電視劇、電影同舞台劇，亦做過主持。2014年約滿大台，正式同大台結束13年賓主關係。不過今年思琦妹就推出首本個人寫真集《Miss Szeki 2018》，將最靚最性感一面呈現俾大家，現時39歲嘅佢仲係咁正，真係不得了。


思琦妹喺2001年香港小姐競選奪得冠軍、「最上鏡小姐」、「網上最奪目小姐」、「纖體美態獎」、「最甜美笑容佳麗獎」同「最修長美腿佳麗獎」、「最受歡迎佳麗」。





[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁