【港姐鄧卓殷】未考牌稱見習建築師係犯法　網民嘲笑：唔通話自己冇業咩

好多行業都有「見習乜乜乜」呢個職位，不過見習呢個term真係唔好亂用，分分鐘犯法都唔知咩事。早前獲選港姐亞軍嘅鄧卓殷，稱自己做「見習建築師」。不過有行家就話佢未考牌，唔可以自稱「見習」。
「建築師」喺香港「建築師註冊條例」下嘅「protected title」，任何人冇喺建築師名冊中註冊，而自稱「建築師」，皆屬違法。
Cap嚟見我

法律嘅原意係避免啲人招搖撞騙，冒認建築師去為客戶提供專業服務，尤其係一啲同香港法定程序有關嘅項目，以收取利益，甚至欺騙客戶。雖然鄧卓殷冇周圍呃人，不過呢單嘢都有唔少網民紛紛留言。

有網民食花生話「班議員都可以做假，其他人都係有樣學樣，CCTVB更加唔會落後！上樑不正下樑歪！香港地以後就同大陸做假睇齊啦！以後香港人要有的態度是只要信不要問！咁樣香港就會發展好前途好様様好」。

仲有網民話佢選得港姐，「唔通叫雙失廢青咩，佢肯tbb都唔肯啦，你又唔怪得佢喎」。


Cap by：立場新聞
鄧卓殷屈居做港姐亞軍《2018香港小姐競選》圓滿結束，20位佳麗均在台上展現最美麗一面，20號鄧卓殷(Amber)更加展現咗「美貌與智慧並重」嘅一面，靚樣同才藝表演吸睛之餘，喺問答環節亦獲全場掌聲。最後鄧卓殷勇奪亞軍，仲成為「最上鏡小姐」，係今屆嘅雙料港姐！
現年23歲的20號鄧卓殷(Amber)除了奪得亞軍，仲攞埋最上鏡小姐，成雙料港姐。Amber畢業於港大建築系，現職是是一名見習建築師。在學期間，她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎，同時學咗十幾年中國舞，真係才貌雙全。


決賽當晚，從小習舞的Amber表演強項中國舞，難怪獲田蕊妮、朱千雪及蔡思貝等星級評判激讚。

Amber笑容甜美，比賽當晚表現自然又有自信，獲亞軍也相當合理！


問答環節轉數快 全場爆笑亞軍鄧卓殷獲讚泳裝環節騷急才，引得全場歡笑及拍掌。農夫就話Do姐成日叫佢哋做「垃圾」，如果Amber要幫農夫改過個新名，會改做咩呢？
Amber臨場就想到為農夫改新名「播種的機」，意思係可以更有效率咁將Hip Pop嘅種子傳播出去啊！農夫同Do姐當然有搞笑寸吓佢，但Amber全程都保持笑容，相當淡定得體！

問答妙趣橫生，搞到台下評判都笑到收唔到聲！

然後農夫又出招！再問Amber如果佢要幫Do姐改個新外號，又會係咩呢？

Amber就依然笑住回答，Do姐係香港女性嘅典範，自然係「香港一姐」啦！農夫隨即就話，即係Do姐之後可以去警務署做啦！Amber轉數好快咁接話，Do姐霸氣仲勁過警務署署長啊！咁醒目，難怪譚俊彥都點名話覺得Amber答得最好！
賽後鄧卓殷就謙認賽前做足功課，有找過農夫的背景資料。


黑馬跑出 鄧卓殷參選之路鄧卓殷身形「的骰」，身高只有5呎3吋，三圍31.5、22、33，但勝在夠哂甜美可愛，小編由首輪面試開始已經開始留意佢！

Amber喺首輪面試時身穿黑色長裙，較其他參加者低調，不過出眾樣貌當然唔會被忽視！
去到次輪面試，Amber換上一襲橙色露肩短裙，加一對長長耳環，配埋本身招牌甜美笑容，即時Sharp醒唔少！

雖然Amber身材比其他佳麗瘦小，但睇腹肌都睇得出都有操過嚟！

港大建築系畢業Amber畢業於香港大學建築學系，志向係成為一位有影響力的人，透過參與社會服務同埋利用自身嘅專業知識去連繫唔同人。真係又靚又叻又心地好！

呢個角度睇對腳好似長咗唔少，要讚攝影師！Amber在學期間，喺由亞洲權威雜誌Perspective舉辦的年度設計頒獎盛事「A&D TROPHY AWARDS」獲獎！果然叻女！Cap by：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁