5對超正螢幕hehe型男基得黎又型先最正

:0:0

最近TVB凡係評價好嘅劇集中都出現同一個現象，就係「hehe情」！仲誕生咗幾對深入民心又得觀眾喜愛的「hehe」情侶，當然首要條件係大家都係靚仔，咁先睇得開心又叫好嘛！所以最近《平安谷之詭谷傳說》出現嘅「萬年hehe戀」真係睇到食唔落飯，都係型男hehe比較易入口。送畀大家5對超正幕前型男hehe情侶，唔洗客氣！
TVB轉玩hehe情貼地又爆笑Cap嚟見我
最近熱播嘅《平安谷之詭谷傳說》話題不斷，最勁爆嘅一定係劉江同李國麟呢段「hehe」情節了，又玩摸下巴、拖手仔，仲要打「籮柚」，兩個人加埋都過百歲喇，真係睇到觀眾「O晒嘴」！要睇hehe當然靚仔最「煞食」，養眼嘅話睇都睇得開心啲嘛！

1.Terry & KC《愛回家開心速遞》嘅Terry同KC相信大家都唔陌生了，兩人嘅hehe情深得民心，更被選為最佳熒幕情侶，係健身房嘅強吻情節更加令觀眾睇到非常「肉緊」，每次出場都笑料百出，唔少露骨對白同互動都趣味性十足，兩位演員又落力演出，所以先會得到觀眾嘅喜愛！

2. 王浩信張振朗啱啱憑《踩過界》攞下影帝嘅王浩信同劇裡面嘅張振朗都有一段hehe情，經常打情罵俏，而且互動都非常有愛，內地網民更幫佢哋改左個花名叫「機車Brother」，果然基情四射，當兄弟之間嘅感情太好時候，係人哋眼中就會好容易由「兄弟情」變成「基情」㗎喇！

呢個「背後抱」嘅動作真係睇到人慾火焚身啊，基味濃到隔住個mon都聞到。
View this post on Instagram A post shared by 張振朗 (@owencheung) on Jul 1, 2017 at 1:15am PDT
View this post on Instagram A post shared by 張振朗 (@owencheung) on Jul 6, 2017 at 10:35pm PDT
3. 陳豪森美《誇世代》呢套神劇搞笑情節奇多，特別係「笨蕉」同「大頭B」呢一對，當陳豪將森美從婚禮上搶過來嘅一刻開始，呢對情侶就誕生了，最難忘嘅係森美問陳豪係咪對佢有意思時，陳豪答：「你自己Feel下」再送多個眨眼時，真係讓人大叫救命，但又忍唔住繼續睇落去！