前大台小花著熱褲又玩腿　巴打：點同Ali BB比呀！

:0:0

索爆人妻岑麗香最近首次為足部按摩器拍廣告，近期揚言努力增肥的香香，現場所見手腳依然纖幼，這日更穿著熱褲登場，大晒白滑長腿！雖然拍攝時間長達十數小時，但香香在現場依然活力無限，更不時做出古靈精怪的動作及表情，為現場眾多工作人員帶來不少歡樂。
岑麗香傳授美腿秘技Cap嚟見我
問到香香的美腿秘技，她笑言：「作為藝人，經常都要長時間著住高踭鞋，對腳自然容易酸痛，所以我平時都好鍾意做按摩舒緩番對腳。所以今次真係一舉兩得，除咗有『開心價』酬勞之外，又可以免費按咁耐腳，哈哈！」

歎住賺開心價問到酬勞有否七位數字時，香香即大晒甜美笑容回應謂：「哎吔，總之係開心價啦！」再問她為何工作長達十數小時，都可以愈做愈精神，香香表示：「因為呢個廣告真係好寫意，我唔係坐喺度就係挨喺度，仲要按住腳咁，根本係享受。我仲有趁拍合眼表情嘅時候順便闔一闔，好有叉電作用㗎！」

撇老公歐遊此外即將遠赴歐洲出席時裝活動的香香，透露此行將拋下老公隻身前往，不過香香卻笑指不會掛念老公，並謂：「我期待咗出席時裝活動已經好耐㗎喇，所以興奮都嚟唔切呀！」

同場加映：轉投王祖藍旗下努力造人！岑麗香：需要多啲私人時間⋯⋯33歲岑麗香跟無綫完成7年合約並唔再續約，隨即有報道指佢係離巢係為咗返回加拿大生BB。早前香香離開無綫後首次出席活動，親自解釋離巢原因，仲宣布已跟王祖藍旗下經理人公司簽合約。

香香離巢後早前首次出席公開活動，透露7月份簽約成為王祖藍公司旗下藝人。問到酬勞同合約年期，佢話唔講得！至於未來工作方向，會拍劇還是內地綜藝節目？香香說：「都鍾意拍劇。同時都想試吓唔同，返內地要做好多功課，學咗7年廣東話，學少少普通話都唔怕啦。」

拒講BB性別談到現在是否自由得多，香香說：「自己想多啲時間陪屋企人。」提到報道指她離巢後全力造人，她笑說：「唔係，生BB方面會努力。」

談到好姊妹李亞男可有催她生BB，她說：「反而無，唔好咁大壓力，順其自然最好，最近都收到好多貼士。」對於王祖藍跟李亞男成功懷孕，當然感到非常開心。至於BB性別，她表示不知道亦應由他們自己公布。問到她希望「藍男」的BB像爸爸還是媽媽？她笑說：「女仔似李亞男多！（男呢？）兩個都係好朋友，你唔好逼我啦！」

岑麗香又表示，過去1個月過得非常充實，先跟丈夫強強出席兩個親友婚禮，之後再陪伴最愛的婆婆。香香笑言：「陪婆婆係最開心事。仲駕車遊覽半個加拿大，都要幾日，之後去法國拍廣告。」

View this post on Instagram
When in doubt, smile

[圖擷取自網路，如有疑問請私訊]