蔡思貝余德丞感情升溫 ‘‘以後會更溫柔同呵護對方’’
早前余德丞踢踢下波冇啦啦暈低,真係想嚇死寶寶咩?最近佢同蔡思貝出席商場活動,好返之後終於現身,見到佢精神好咗又有返笑容,相信一班粉絲唔需要咁擔心啦。余德丞(Dickson)對於身體狀況有好轉,佢話:「好OK、好精神,跟以前一樣,可能有人認為我瘦了少少,但其實差不多,體重只輕了1KG左右。」
![]()
Cap嚟見我
Dickson仲話:「當時踢踢吓波覺得好眼瞓,之後就瞓著了,其實沒有甚麼印象,估計可能當時天氣熱、工作有點忙,但主要原因是心律不正才導致休克;聽媽媽說我暈了2、3天,朋友亦說當時有我抽筋的片段,好恐怖,但我沒有看,看現在的靚仔樣好一點。」
![]()
Dickson表示:「經此一役,學識了不要心急、慢活一點,並且更珍惜家人、朋友、生命、及工作機會,過往覺得一句『身體健康』沒有特別,有過經歷後就知道是很重要;並且要很多謝大家為我集氣,在醫院看到大家傳給我的打氣短訊和電郵,真的很感動。」
![]()
企喺Dickson隔離嘅蔡思貝亦承認經歷過呢件事之後,佢同Dickson嘅友情升溫,會更溫柔同呵護對方,唔似以前一樣兄弟Mode,仲話會更珍惜呢位朋友。
![]()
Cap by:巴士的報
余德丞 寓工作於拍拖有樣有身材又有家底,所謂人生勝利組就係余德丞呢種,入行五年由兒童節目打入戲劇組,一套劇《誇世代》即成搶手小鮮肉被無綫力捧,最新動向係擔大旗做旅遊節目《緬甸奇幻旅程》主持,拍完12日,港姐收割機又發功,傳出撻著拍檔蔡思貝。其實一切都係宣傳煙幕,身邊原來有個清純化妝師Chloe。
![]()
二人在銅鑼灣日頭拍拖拍到天黑,小心翼翼避免親熱舉動,不過余德丞一時忍唔住,還是偷偷翹住女友手耳語。據知情人士透露,笑容陽光、性格暖男,余德丞入行以來的確特別受異性歡迎,不少電視台小花主動抄牌求關注。博愛性格驅使交朋結友少不免,不過原來正印只得一個,正是年多來日對夜對日久生情的御用化妝師Chloe。日前二人連同余之無綫經理人,一齊在銅鑼灣拍攝完節目,順理成章拍拖繼續下半場。
![]()
筍盤王余德丞轉口味,女友Chloe雖然不是港姐,不過甜美清純,又係無綫化妝師,大條道理日對夜對。街頭翹手明明三人行逛運動專門店,余德丞全程黐住女友問意見、經理人亦識做離行離列各有各行。搵經理人做完煙幕兼擋箭牌,二人繼續行街撐枱腳,雖然當街當巷刻意保持距離,不過Chloe45度角甜笑仰視、余德丞又情不自禁偷翹女友手,親密關係不言而喻。
![]()
余德丞睇衫睇鞋全程問Chloe意見。據悉事業剛起步,余德丞要小心處理感情,借工作做幌子收埋女友,不過始終血氣方剛不時露出馬腳,更被網友踢爆登門探訪女友大圍香閨,其實真係瞞唔得幾耐!
![]()
行完街,余德丞帶埋女友去附近Cova食個早飯,期間有傾有講亦好似一般情侶一樣會分甘同味。
![]()
經理人先行告退,小情侶繼續遊街,Chloe陪完余德丞睇波鞋,今次輪到余德丞陪化妝師女友睇化妝品。送上門余德丞家住大坑係郭富城鄰居,但日前他竟自po與Chloe合照就被眼利網友睇出背景係大圍名城,正是女友香閨所在。
![]()
愛屋及烏日見夜見又登堂入室,余德丞對女友香閨熟路、與女友家中愛犬一樣已經混熟,農曆新年期間就係抱住疑似Chloe的貴婦狗向fans拜年。
![]()
港姐化妝師Chloe是無綫化妝師,個人IG內有不少為無綫藝人 如胡說八道會、陳凱琳、袁偉豪化妝的合照,其中一個工作更是一年一度港姐選舉。
![]()
性格溫馴樣貌又甜美,Chloe與不少合作藝人關係友好,與余德丞傳過緋聞的江嘉敏都攬頭攬頸,稱呼佢為「Chloe BB」。
![]()
![]()
港姐收割機當港姐收割機遇上港姐發電機,余德丞與蔡思貝對足12日去緬甸拍攝旅遊節目即傳出緋聞,蔡思貝公開話余德丞一早仰慕佢,似女方想收兵居多。
![]()
![]()
去年拍攝《誇世代》有傳搭上十優港姐麥明詩,更一杯雪糕兩份食,余德丞全盤否認:「麥明詩又靚又叻,我高攀唔起!」
![]()
有傳因為合拍節目被傳力追劉穎鏇,兩位好似夾過口供一樣,余德丞話鍾意運動型女仔、劉穎鏇就話唔鍾意男朋友太大隻。
![]()
TVB上位男神!陽光型余德丞 真正的「高富帥」熱播中的TVB台慶劇《誇世代》雲集大台花旦小生,又有大量藝人友情客串,但當中有位小鮮肉就成為話題,就是前香港游泳代表隊成員余德丞了!擁有陽光男孩般的帥氣外表,而且練就了一身結實肌肉和身材,在劇中飾演銀行小職員的他,其實在現實生活中是個「高富帥」喔!
![]()
28歲上位男神身為前港隊泳將的余德丞(Dickson)練得一身fit爆身材,結實的胸肌和肌肉一覽無遺,除了身材了得之外,年僅28歲的他已經有多年的主持經驗,主持過多個體育節目、兒童節目和音樂節目,如「里約奧運會」外景主持、《Think Big 天地》、《我的神奇音樂之旅》等等,現在加入演員的行列,帥氣外表和不俗的演技相信前途無可限量喔!
![]()
家底勁 係郭富城鄰居除了一身的才華之外,Dickson身家背景也來頭不少,含著金鎖匙出身的他與家人住在跑馬地嘉園的二千萬豪宅,即係天王郭富城的鄰居!而且還與家人聯名擁有多個總市值逾半億的豪宅單位,簡直是有潛力的「鑽石王老五」!
![]()
跑馬地豪宅嘉園Cap by:東方新地
[圖擷取自網路,如有疑問請私訊]
| 喜歡這篇嗎?快分享吧! |
前一頁
後一頁