《延禧》班底回歸新劇《皓鑭傳》本周六鐵定正式開播！

:0:0

上年《延禧攻略》爆紅三地，而由同劇嘅同班人馬新作《皓鑭傳》亦即將於今個星期六（19日）開播！從官方已經釋出嘅預告片睇到唔少極具講究嘅場面，加上吳謹言飾演李皓鑭嘅自白，睇嚟新劇除會上演宮鬥場面之餘，仲會有一段段愛恨情愁！
撰文：東方新地｜圖片：皓鑭傳官博、于正、譚卓微博、影片截圖
Cap嚟見我
《延禧》班底回歸新劇《皓鑭傳》根據《皓鑭傳》劇組公布資料，新劇沿用唔少《延》班底演員，當中當然唔少得大家非常熟識嘅「魏瓔珞」吳謹言同「乾隆」聶遠，但今次就會嚟個換時空令二人可以再續前緣！

除咗兩位男女主角，《延》嘅「高貴妃」譚卓、「明玉」姜梓新、「李玉公公」劉恩尚及令人睇到恨之入骨嘅「袁春望」王茂蕾都有份參演《皓鑭傳》！

今次喺《皓》中，「明玉」姜梓新飾演醫術高明嘅「殷小春」，擅長用銀針替人治病，亦會處處幫助女主角李皓鑭；

「高貴妃」譚卓於新劇中升呢飾演「華陽夫人」，係秦孝文王嘅王后，同吳謹言嘅角色關係係婆媳！

至於喺《延禧攻略》做「乾隆」嘅聶遠今次唔做皇帝，而係做秦國商人呂不韋！

新加入《延》班底演員32歲嘅茅子俊曾和林心如於《美人心計》合作，但都係做二線角色，今次擔正于正嘅新戲，飾演秦莊襄王「贏異人」，睇嚟上位在望！

至於「趙國公主雅」會由海鈴出演；「厲夫人」則由內地著名影星寧靜飾演！

宮鬥之餘仲會有…喺官方釋出嘅預告片中，見到《皓》以戰國晚期為背景，講述吳謹言飾演嘅李皓鑭由趙國御史之女淪為舞姬，最後再成秦始皇嬴政之母嘅過程，當然過程中會包括唔少宮鬥嘅場面，甚至會出現朝堂上嘅權鬥角力！

另外，預告片頭就已經有吳謹言飾演李皓鑭嘅自白：「如果真切的愛慕一個人，哪怕受盡傷害也不改初衷。」，睇嚟新劇仲會有揪心嘅感情線，希望唔好又好似上次《延》咁慘啦！

劇集製作一絲不苟據知，今次《皓》嘅拍攝同樣極具講究，為咗令劇集場景可以還原及貼近史實，拍攝一共搭建多達400個場景，共花費8個月嘅時間，其中一個最大嘅場景仲接近3萬平方米，製作規模都唔細！

除此以外，據了解《皓》嘅劇組更對道具及服飾製作一絲不苟，如劇情轉入秦國後，劇組則多用黑及紅色，並配以獸型圖案於服飾中，以表達秦人嘅霸氣同豪放！

資料來源：東方新地
《延禧攻略》重口味番外篇　網民：隔住個mon都覺得hihi眾所周知，《延禧攻略》會有番外篇，而且仲已經公佈咗部分番外篇演員會由邊位演員飾演。近日，就有疑似番外篇嘅劇本於網上瘋傳，而且故事仲極為重口味！唔知大家接唔接受到呢？
《延禧攻略》番外篇故事再曝光大家都知《延禧攻略》將會有6集番外篇，並由劇中幾位重要角色嘅下一代發展出一段虐心故事。據知番外篇主要係講第二代，即魏瓔珞女兒「昭華公主」同傅恒假兒子「福康安」，以及和親王弘晝女兒之間嘅三角關係。

近日，就有疑似番外篇嘅劇本於網上瘋傳，指番外篇嘅其中一節會係關於由23歲王鶴潤所飾演昭華公主嘅故事。據知，因為昭華公主好似媽咪魏瓔珞，故深得皇上寵愛！

不過，喺公主11歲時，卻被失心瘋嘅袁春望綁架，期間袁春望更強逼公主一次又一次聽自己被淨身嘅過程！

而且，袁春望甚至將公主隻腳打斷兼逼公主浸喺糞水7日7夜！淨係齋聽個故事，都已經覺得劇本非常之重口味！

至於故事嘅結局，就係袁春望被乾隆杖殺，可惜昭華公主已經被虐待至精神失常兼失憶，性格亦變得暴戾，猶如袁望冤魂纏身，成日用男人語氣講嘢！

劇情被指太離奇然而，唔少網友聽到呢個版本嘅故事都話覺得劇情堅離地之餘，亦太過離奇，唔太似一般古裝劇。雖然呢個暫時只係網上流出嘅疑似劇本，但若然番外篇嘅劇情係咁，唔知大家又點睇呢？

于正宣布《延》有番外篇早前，于正透露《延》續集就唔會有，不過番外篇就會有姊妹篇共6集，而且番外篇亦係另一個故事，並表示依然會用原班人馬，以吳謹言為女一號。

新人演員擔大旗據知，《延》番外篇早已喺上年就已經完成拍攝，除咗聶遠同吳謹言會繼續亮相，男、女主角則會由新人演員王一哲和王鶴潤分別擔任爾晴兒子福康安及魏瓔珞女兒昭華公主。

另外，番外篇更會交代高貴妃同魏瓔珞姐姐「阿滿」魏瓔寧之間嘅關係，以及魏瓔寧死亡之謎！

之前，有消息指番外篇延續劇集的恩怨，講述福康安認為魏瓔珞殺死自己母親爾晴，於是一心想向佢報仇，更視其女兒為復仇對象，故令昭華公主對佢動情！

番外篇嘅女主角昭華公主會由現年23歲，於中國傳媒大學畢業嘅王鶴潤飾演，在學時期已是校花，更有仙氣女神之名！

至於男主角福康安，則由23歲畢業於中國傳媒大學嘅王一哲飾演，憑俊俏嘅小生外表，相信番外篇播出後將會擄獲女劇迷嘅心。

至於女二則會由24歲嘅許曉諾出演乾隆弟弟和親王弘晝嘅女兒思婉格格，據知佢會喺劇中與昭華公主係情敵！

男二就會由身高182cm的23歲王宇威飾演蒙古超勇親王拉旺多爾濟，有網民就猜測佢同昭華公主會有一段感情線。

吳謹言六年冇走樣2010年出道嘅吳謹言，在2012年拍攝電影《無問西東》，但電影疑因涉及過多歷史敏感議題而被禁播，直至近日經過重新剪輯後才能順利上映。

雖然經過六年時間，但睇吳謹言片中造型，五官相差不大，仲好有才女氣質，同《延禧攻略》「魏瓔珞」一角相比，別有一番風味。

戲中飾演一代文壇女神「林徽因」嘅吳謹言，著上民國裝扮，妝容較清淡，但眼神堅定溫柔，面容顯得較圓潤，同正版「林徽因」一樣咁有氣質。

民國年代的文壇女神林徽因。網民仲激讚吳謹言樣貌神似電影女主角章子怡，更期待二人將來會有機會再合作。

女主角章子怡。

吳謹言被爆執二攤做女主角《延禧攻略》於香港播出的劇情愈來愈緊湊，幕幕皆高潮迭起。不過，近日該片劇作人于正接受訪問時，竟突然透露《延》選魏瓔珞一角時，原本屬意另一位女演員，而並非吳謹言，故令唔少劇迷都大感震驚！

于正提到當時的選角是按字排輩，先進來角色先選，如果不合適、不喜歡就往下一個再選，這亦是其公司的一個慣例。

他同時指出自己多年前已有留意吳謹言這位演員，曾經在翻拍《神鵰俠侶》時，將吳謹言視為「小龍女」的第一人選，因覺得對方外型很有小龍女的味道！

可是，于正表示當年吳謹言的公司不想她出演該劇，而最終錯過合作機會。

不過，今次在選《延》的女主角時，于正則指自己公司每個演員都有機會擔任主角，而當時吳謹言簽約時，公司正缺少一些可以扮演端莊、嚴肅、正派的人，故吳謹言亦順理成章成為理想人選。

魏瓔珞人選其實另有其人言而，于正亦續指另一個原因是楊蓉不想演而推掉了這部戲，剛巧吳謹言就來到，所以就決定讓她出演瓔珞一角。同時，于正認為選角始終還是與緣份有關！

似乎，選角的緣份同樣是吳謹言被選中做女主角的其中一個原因！楊蓉是誰？今年37歲的楊蓉，曾簽約于正工作室，亦曾主演過多套內地著名劇集，包括：《陸貞傳奇》、《宮鎖連城》、《情定三生》等，演技深受唔少觀眾肯定！

若然當初是由楊蓉出演瓔珞一角，未知大家又會唔會睇好？

吳謹言團隊被數三宗罪點名鬧爆吳謹言的《中國電影報道》是屬於央視的電影頻道，他們今日凌晨在微博指稱在本月25日下午採訪吳謹言時，採訪組共7人提前半小時到達現場，卻臨時接獲吳謹言的團隊通知，要改地點到十幾公里外的地方進行採訪，而在採訪組直奔新地點後，吳謹言團隊卻尚未協調好場地，要求採訪組支付場地費用，之後更告知採訪組吳謹言接下來有其他的工作安排，剩下的時間跟本不夠讓採訪組人員架設好設備做採訪。