張建聲成功翻撻前度陳嘉莉誓言戒媾女、戒偷食！

:0:0

花弗男張建聲與「翻版吳千語」陳嘉莉去年4月高調分手，分開半年被踢爆秘遊曼谷，不過一直唔認復合，踏入2019 年，男方終於在 IG 放被女友陳嘉莉扭耳仔合照，宣布翻撻成功，揚言會努力改善自己。
撰文：東方新地｜圖片：東方新地
Cap嚟見我
張建聲成功翻撻前度陳嘉莉張建聲去年與崔建邦舊愛「翻版吳千語」陳嘉莉 (Kelly)公開戀情，二人孖住友人在年宵開檔賣年貨，糖黐豆似是打風打唔甩，但張建聲於去年4月突然高調在社交網爆分手，聲言主要原因是自己事業心重，與女友的相遇唔啱timing，但同時卻有傳是張建聲連番出軌，更被爆暗冧「籃球女神」方泳琳又暗追松岡李那，陳嘉莉難忍男友多情，搞到分手收場。

去年10月已被斷正同遊曼谷返港，不過張建聲與陳嘉莉都未肯認復合，去年聖誕二人又孖住去party，張建聲日前終於在上載扮比卡超及送限量波鞋冧女友的合照，宣布正式復合。

留後路博翻撻其實分手後不久，張建聲已掟煲唔掟蓋，就連做監製開戲都話要預埋陳嘉莉，去年10月，二人蜜遊曼谷返港斷正，但他們異口同聲回應「順其自然」，據知情者透露 :「 J u s t i n( 張建聲 )份人大男人，同Kelly( 陳嘉莉 )拍拖兩年乜都要話晒事，次次出去媾女都話為部戲，雖然 Kelly 年紀細經驗唔多，但佢有好多圈內朋友，個個都叫佢唔好再信 Justin，結果鬧交多咗，Justin 覺得好煩，咪索性專注事業分開囉!」

去年10月二人曾蜜遊曼谷，雖然陳嘉莉未有在社交網洩密，但其後忍不住上載了多張水著相，被指是男友視覺，由張建聲操刀所影。

去年與陳嘉莉分手後，即爆出張建聲拍攝電影《作家的謊言》時，暗交33C日模松岡李那和34C「籃球女神」方泳琳，大玩四角戀。知情者續透露：「不過分手後話自己有情緒病，又話掛住Kelly，其實都係想力挽形象。過去半年佢哋繼續有往來，Justin 開戲又預埋 Kelly，仲一齊出宣傳活動，Kelly 回復單身都有男仔埋身，不過Justin一直mark實唔放手，乘機想氹番女友，Kelly 最初都話要觀察吓先，睇吓佢係咪認真，結果又喺番埋一齊，Justin 仲誓神劈願話自己一定會改，唔會再做對唔住 Kelly 嘅事。」

25歲的陳嘉莉有樣有身材有長腿，與張建聲分手後絕對不愁冇追求者，不過美人難過浪子關，最終還是餘情未了。35歲的張建聲與25歲的「翻版吳千語」陳嘉莉，去年承認戀情，不時糖黐豆出席公開場合。不過去年張建聲憑網劇《反黑》彈出後，忽然高調在 fb撇女友，話事業愛情要二揀一，宣布跟陳嘉莉兩年情玩完。

傍實開工25歲的陳嘉莉入世未深，終被張建聲甜言蜜語翻撻成功。除夕夜(12月31日 )，本刊記者影到張建聲與陳嘉莉在九龍城出現，當日二人悠閒逛街，之後再截的士去新蒲崗的工業大廈。

上周一(12月 31日)，張建聲與陳嘉莉現身九龍城廣場，醫完肚行完街，張建聲邊撳電話邊截的士，陳嘉莉就乖乖企埋一邊等。

外表粗獷的張建聲以前非常大男人，但這日見他非常細心，上落車都為女友開車門，話過新一年會努力改善自己的他，果然講得出做得到。

最近張建聲忙於為自己監製兼任男主角的電影《作家的謊言》做後期，這日在女友陪同下去開工，晚上再結伴去夜店與友人倒數狂歡。有多少愛可以重來?張建聲能夠Take Two再愛，真係要好好珍惜。

正式復合後，張建聲與陳嘉莉不用再偷摸，除夕夜與友人在夜店倒數狂歡，更即場拍下啜爆短片公諸於世。

延伸閱讀：張建聲鬧市拍拖由男模變三級男星、再由蕭定一旗下閒角變17年度全民公認最佳奸角，張建聲憑網劇《反黑》的「招積」一角成功上位，先被大導莊文強睇中拍住發哥、城城演《無雙》，又躋身製作費億億聲合拍片《真‧三國無雙》演張飛，上年再下一城，開拍電影《作家的謊言》身兼監製同男主角。

之前一同出席完健身室開張活動，趁住天未黑，小兩口一齊遊街拍拖，就算去到旺角人頭湧湧，Kelly一樣旁若無人捉實張建聲。

坐公司保母車到達大角咀，張建聲和女友商量一輪，決定拍拖上樓去按摩店舒筋活絡吓先。

份屬同一經理人公司，張建聲去到邊都例牌帶埋女友陳嘉莉在身邊，二人拍拖兩年，感情穩定。身價、人氣十級跳，難得張建聲毫不介意公開感情狀況，無論開工定拜年，去到邊都帶埋拍拖兩年的女友陳嘉莉(Kelly)在身邊，最新搞作係學樂器自彈自唱冧爆女友，小兩口日日在社交網站互留「I Love You」放閃放不停！

鬆完骨，張建聲和女友在按摩店附近中式麵檔醫肚，碗麵40蚊有找。連茶水都一早買定自備，呢個女友認真唔話得！

食完麵等的士齊齊返歸時，張建聲更幫女友孭埋女裝手袋。

張建聲雖然短期內未有結婚大計，不過Kelly一早被張家上下接受，經常在張家出入，早被張媽媽視為新抱仔。40歲前唔諗結婚事業有成、感情穩定，上年在年宵市場被姜文杰爆就快結婚娶Kelly入門，不過張建聲就回覆本刊記者絕無其事：「我有計劃，要瞓身演戲發展事業，希望40歲喺電影圈闖到一番事業，好老實講，我並冇諗過幾時要結婚，一定唔係呢幾年。」

明知婚期有排等都願意做張建聲背後女人，Kelly日前仲喺面書po文公開示愛派定心丸。

25歲Kelly讀設計出身，拍廣告入行，一出道就被內地商場睇中，做韓星金秀賢廣告微電影第一女主角。「我自細屋企窮，係窮到冇飯開嗰隻，對我嚟講愛情同麵包，麵包一定係好重要好重要。香港地社會好現實、冇嘢重要得過賺錢，結婚起碼要等我養得起三家人、我同老婆、我媽媽同佢父母時先至會考慮。(女友願意等？)我哋感情好穩定，佢好好，一直冇提過呢個話題。我相信適當嘅時候就會發生，個天會安排最好嘅嘢畀我哋。」其實女朋友仔都係得25歲，張建聲呢個潛力股，等得過嘅！