【七月仲未過】屯門屋邨突現神秘「山墳」　街坊嚇親：大吉利是 ！ | 真心膠 | 膠Hub

農歷七月，梗係會有古靈精怪事發生！日前有屯門街坊經過皇珠路，友愛邨與翠寧花園之間嘅位置，赫然發現幾舊奇怪嘅圓形石躉，由於形狀同新界圍村嘅圓形祖墳十分相似，加上正值農歷七月鬼門關大開，令人非常不安！大熱天時三十幾度，仍然不寒而慄！經查證後，發現原來該處經常有街坊聚賭，政府部門為杜絕「爛賭鬼」，於是就整咗呢堆「四不像」出嚟喇！嘩！七月流流，整啲咁嘅嘢出嚟，想嚇死人咩！
閱讀全文
七月流流，屋企樓下突然多咗幾舊咁嘅嘢﹐都咪話唔驚！

屯門區議員譚駿賢話，呢度N來前開始就經常有人聚賭，經常收到街坊投訴，經過同多個政府部門嘅交涉之後，最終將個波推咗俾運輸署，於是就整咗呢幾舊嘢塞住個窿！有人曾經建議整單車泊位、花糟，最終不了了之，最後唔知點解變出「石墳」！仲要冇通知區議員同居民。

有網民認為呢舊「神秘的怪石」，跟早前鰂魚涌嘅「避唔到雨嘅避雨亭」係同系列嘅「太陽能電筒」嚟嘅！

街坊同網民都覺得似墳墓。

有街坊就聯想到友愛邨經常有「邪嘢」發生！

古墓派、種生基、太空館，網民永遠都係最有創意嘅一群。

屯門新景點之梁祝、區區有墳頭。

呢兩位真係看透世事。

原來仲未起完㗎！睇嚟政府打算將呢度變成「石墳路」喎！

網民唔改圖又點對得住自己呀？

睇片真係嚇親老人家喇！

快閃新聞：屯門居民劣評石堆似山墳 2018.8.28
屯門友愛邨近翠寧花園出入口出現「神秘石頭」，居民一致劣評似山墳，工程無必要…… 屯門友 #快閃新聞繼續跟進 > https://wp.me/paaypJ-A4K
Posted by Symedialab 新傳網 on Monday, 27 August 2018
 
膠通消息來源：Catalyst News HK Facebook、譚駿賢Facebook、Symedialab Facebook、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁