港姐喺TVB瘋狂收兵　巴打：娘娘幾時派軍糧？

靚女自然多人追，好多男士都為咗成為女神嘅另一半，都唔介意跟上跟落接送護花。有位TVB小花就俾人話收唔少兵仔⋯⋯Cap嚟見我
原來個個講緊嘅TVB娘娘係劉佩玥，佢喺2013年選到獲香港小姐季軍入行，一直緋聞男友多到數唔到多不勝數。Cap圖王而家就同你哋計吓啦！
何猷亨最荀盤嘅非何猷亨莫屬，佢係賭王何鴻燊四房長子，佢喺2015年被影到拎住外買去探劉佩玥班。

兩個人仲行埋一邊摸手仔而傳出緋聞。

可惜，最終何猷亨情歸好姊妹陳瀅，令緋聞告一段落。
黃又南劉佩玥喺拍攝TVB劇《殭》嗰時，同黃又南傳出緋聞。

黃又南嗰時喺劉佩玥出席活動後，開車車上車落兼送咖啡，大獻恩勤。

但後來，黃又南兩度發誓冇同劉佩玥拍過拖，仲爆料話自己有圈外心儀對象。
伍允龍劉佩玥喺拍攝TVB劇《城寨英雄》嗰時，同伍允龍傳出緋聞。

好多人都話佢哋假戲真做，兩個人孖公仔黐到實，有人爆料指劉佩玥成日喺伍允龍屋企自出自入。

最後，有傳周志文介入，導致二人分手。

周志文仲有個就係，大孖周志文同劉佩玥雖然冇公開承認過戀情，但經常出雙入對。 
又去嘉年華，又去家庭聚會。

翟威廉劉佩玥喺拍攝新劇《跳躍生命線》，就俾人影到一包野飲兩份飲。

劉佩玥就成日去翟威廉錄音室玩通宵。



最近就有傳劉佩玥撻著神秘有米圈中人，更搬入二千萬的半山豪宅。唔通劉佩玥娘娘今次真係要封盤！
Cap By：網上圖片、On.cc


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁