黃金剩女大把仔陪 網民：唔係呀嘛？BB仔呀？
七年前同CEO男友黃志暉甩拖、今年連緋聞男友余文樂都結埋婚做埋老竇，好多人都關心47歲阮小儀到底情歸何處？Dry到幾時至有盡頭？其實邊個話女人一定要有拖拍？開工開不停、收工又有人陪，黃金剩女原來一樣好充實！Cap嚟見我
阮小儀 《街坊廚神》再添食日前又見小儀孖住拍檔金剛出發拍添食完再添食的《街坊廚神》第N輯，有講有笑默契十足，話咁快有得早收仲可以行陣街㖭！你以為收咗工就係返屋企湊狗做宅女，其實小儀呢頭同金剛bye bye，嗰頭就搵到高大猛男接更陪伴睇衫又睇鞋。有商有量仲著埋同色系疑似情侶衫，唔通真係又開齋？
傍晚時分見到小儀同拍檔拉大隊現身銅鑼灣拍《街坊廚神》，記者即刻好有衝動跟住尾睇吓又有咩好嘢食介紹。
拍嘢合拍，收工後就各自精彩，見到金剛忙玩電話約人，小儀就淡定周圍望，仲以為如常返歸陪愛犬。
原來一早有人喺商場附近等小儀收工，仲著埋同色系疑似情侶衫一齊行街睇衫睇鞋，有商有量溝通十足，不過態度就不算親密，但可以話小儀嘅異性緣都好旺嘅。
小儀平日表面上唔係搵狗陪就係搵女陪，但其實佢異性緣都唔差！
仲曾經同余文樂「公開戀情」，大家都知係得啖笑，而小儀當時就話：「係開心嘅！」
Kitty Yuen
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
秋天的頻道
