【有片】原來除咗佘詩曼⋯⋯　《延禧攻略》仲有呢個香港人？

:0:0

近年強國影視界不時都會見到香港幕後人員嘅身影，好似《我是歌手》嘅音樂總監梁翹柏、《三生三世十里桃花》嘅導演林玉芬，而家熱播中嘅清裝宮廷劇《延禧攻略》嘅配樂師原來都係香港人，佢就係曾經為《創世紀》配樂嘅陳國樑。
Cap嚟見我
一套出色嘅劇集，除咗演員要有精湛演技，氣氛嘅營造一樣好重要！《延禧攻略》之所以紅遍中港台，配樂師陳國樑可謂不可沒！

大台多套被網民捧為「神劇」嘅劇集，包括《創世紀》、《金枝慾孽》同埋《天與地》都係由佢負配樂，都係戚其義監製嘅作品。

《金枝慾孽》嘅配樂係好多網民所愛。

唔知大家煲《延禧》嘅時候，聽唔聽得出當中嘅「港劇味」呢？

陳國樑最近接受大台myTV SUPER訪問，佢表示同《延禧》結緣全因該劇監製于正係港劇粉絲，佢主動邀請為該劇配樂。

陳國樑話于正好欣賞港劇明快嘅節奏，而《延禧攻略》嘅節奏都好快，頭30集都係不停鬥、不停鬥，所以音樂方面就搵返佢呢種「港劇味」好重嘅配樂。

為《延禧》配樂時，陳國樑亦同時為大台《宮心計2之深宮計》同埋《天命》配樂，所以非常忙碌辛苦，慶幸出到嚟嘅效果都非常好。

同時為三套劇配樂，咁搏命，呢下真係好香港人！

有指《延禧》嘅配樂同大台經典宮廷劇《金枝慾孽》相似，陳國樑就承認兩套劇嘅音樂都有相近嘅地方。

佢笑言：「我亦都有少少頑皮，特登擺咗少少《金枝慾孽》嘅元素入去，當一個自己嘅chop，揼個印話呢個係我做嘅！」

睇片
Cap by：My TV Super
吳謹言爆《延禧》妃嬪個個裝假狗　網民：拆都有排拆！隨著宮廷劇《延禧攻略》爆紅，各式各樣嘅「延禧研究」出現，有人專攻劇中嘅華麗衣服、有搜集一眾妃嬪嘅時裝look，亦有研究妃嬪嘅飾物，有眼利嘅網民就發現妃嬪們個個都有六個耳洞，唔通大清國嘅妃嬪仲前衛過而家啲女仔？非也！其實呢個係滿族女子嘅傳統習俗，叫做「一耳三鉗」。
清代嘅時候，滿族女子出生之後，佢哋嘅母親就會幫佢哋打六個耳洞，即每邊耳仔穿三個洞，各戴上三隻耳環，稱之為「一耳三鉗」。耳鉗就係解作耳環，當時嘅貴族同有錢人，會戴金、銀、翠、玉嘅耳環，窮人就會戴銅圈，呢個習慣所有滿族女子都要必須跟從，皇帝選妃時都會睇下秀女們嘅六耳洞係咪齊晒，如果冇六個耳洞的話，唔單止唔會被選中，仲會受到懲罰。

喺《延禧攻略》入面，一眾妃嬪都有跟足呢個習俗，不過冇理由個個演員為咗套劇都專登打夠六個耳洞呀嘛？「魏瓔珞」吳謹言早前上電視節目受訪時，就講到劇中嘅「一耳三鉗」都係裝假狗！原來啲耳環全部都係夾上去嘅！

吳謹言本身都只得一對耳洞，其飾「二鉗」都係夾上去嘅，《延禧攻略》拍攝時正值炎夏，演員都香汗淋漓，耳夾好容易滑落嚟，搞到導演經常要嗌cut再拍。

吳謹言仲喺節目入面展示拍攝用嘅道具耳環。

「嫻妃」佘詩曼本身冇穿耳，所以「一耳三鉗」全部都係夾嘅，佢話日日都夾，夾到頭痛。

Cap by：愛奇藝
[多圖]《延禧》女神時裝look個個變晒樣　巴打：全部都係偽韓妹宮廷劇《延禧攻略》喺中港台熱播中，觀眾除咗關心勾心鬥角嘅劇情之外，劇中一眾女角嘅美貌都成為網民熱烈討論嘅話題，呢套「最高顏值的古裝劇」美女如雲，加上華麗細緻，美侖美奐嘅服飾，儼如古代fashion show！返回現代，唔知一班妃子穿著時裝嘅樣會係點嘅呢？
魏瓔珞 — 吳謹言
芭蕾舞人舞蹈員出身嘅吳謹言，高高瘦痠，有點韓妹影子，穿起偏韓風嘅休閒服真係非常適合。